ექსპერტი კავკასიის საკითხებში, მამუკა არეშიძე პირადი ცხოვრების ამსახველი ფარული ჩანაწერების შესაძლო გავრცელებას არ გამორიცხავს.

ექსპერტის ინფორმაციით, ყოფილი ხელისუფლება საკონსტიტუციო სასამართლოს მოსამართლეებზე არსებული ჩანაწერის გავრცელებას გეგმავს.

„ეს არის ინფორმაცია იმის თაობაზე, რომ იგეგმება საკონსტიტუციო სასამართლოს ზოგიერთ მოსამართლეზე კომპრომატების გამოქვეყნება. კომპრომატია პირადი ცხოვრების ამსახველი. ზოგიერთ შემთხვევაში არანაირ კომპრომატს არ წარმოადგენს, მაგრამ დისკრედიტაციისთვის გამოდგება. როგორც ჩანს, ვიღაცას აწყობს ამის გაკეთება. როგორც წყაროები გვატყობინებენ, რადგან ნაციონალურ მოძრაობას არ გამოუვიდა ის მეთოდი, რომელიც გულისხმობდა არჩევნების დისკრედიტაციას საარჩევნო კოდექსის შეცვლის თვალსაზრისით, ამიტომ გადაწყდა სხვა ნაბიჯების გადადგმა,“ - აცხადებს მამუკა არეშიძე.