"მათ ქართველი ერის განადგურება სურდათ და ამას არც კი მალავდნენ"- სააკაშვილი აგვისტოს ომს იხსენებს

პოლიტიკა - 16:58, 08 Aug, 2016

5471

საქართველოს მესამე პრეზიდენტი, ოდესის გუბერნატორი მიხეილ სააკაშვილი 2008 წლის რუსეთ-საქართველოს ომის პერიოდს პრესკონფრენციაზე გამოეხმაურა.
სააკაშვილის განცხადებით, აგვისტოს ომის დროს რუსეთის საგარეო საქმეთა მინისტრმა სერგეი ლავროვმა აცნობა აშშ-ის მაშინდელ სახელმწიფო მდივანს, კონდოლიზა რაისს, რომ რუსეთის მიზანი საქართველოს სრული განადგურება იყო.

მიხეილ სააკაშვილმაიმ ოპონენტებს, რომლრბიც ამბობენ, რომ კონფლიქტის ინიციატორი საქართველო იყო, შეახსენა, რომ რუსული შავი ზღვის ფლოტის ხომალდებმა უკრაინული წყლების დატოვება 2008 წლის აგვისტომდე დაიწყეს.

“როდესაც რუსეთი შემოვიდა, მეორე დღეს ჩემთან ამერიკის ელჩი მოვიდა და მითხრა: კონდოლიზა რაისმა ჰკითხა ლავროვს, რა იყო მათი მიზანი საქართველოში შეჭრის დროს. მე ვკითხე, რა უპასუხესმეთქი და - „საქართველოს სრული განადგურებაო”. მათ ქართველი ერის განადგურება სურდათ და ამას არც კი მალავდნენ“, - განაცხადა სააკაშვილმა.
ყოფილი პრეზიდენტის თქმით, ერთ-ერთი მიზეზი, რის გამოც საქართველო ომის დროს „გადარჩა“ - უკრაინის დახმარება იყო"- აღნიშნა საქართველოს მესამე პრეზიდენტმა.
მისი თქმით, საქართველო უკრაინაში სამხედრო სპეციალისტებს ამზადებდა.
"უკრაინამ მოგვცა ჰაერსაწინააღმდეგო სისტემა, რომელსაც სრულიად კრიტიკული მნიშვნელობა ჰქონდა შეჭრის პირველ დღეებში. უკრაინამ გადმოგვცა „ბუკ“-ისა და „ოსა“-ს სისტემები, რომელთა საშუალებით ჩვენ 12 რუსული ბომბდამშენი ჩამოვაგდეთ, მათ შორის სტრატეგიული ბომბდამშენი ტუ-22 მ-3, რომელიც მანამდე არავის არასდროს არ ჩამოუგდია“, - განაცხადა მიხეილ სააკაშვილმა.