"არ ვეთანხმები სარეჟიმო წესის დარღვევის შესახებ განცხადებებს, ობიექტი საიდუმლო იყო"- ხიდაშელი წითელაშვილის სკანდალზე

პოლიტიკა - 10:36, 08 Aug, 2016

1446

თავდაცვის უწყების ყოფილმა ხელმძღვანელმა თინათინ ხიდაშელმა საიდუმლო ობიექტებზე გარეშე პირის შესვლასთან დაკავშირებულ სკანდალზე კიდევ ერთი განცხადება გააკეთა. ხიდაშელის თქმით ის არ ეთანხმება ლევან იზორიასა და მინდია ჯანელიძის განცხადებებს, იმასთან დაკავშირებით რომ წითელაშვილის სამხედრო ობიექტზე შესვლის დროს მხოლოდ სარეჟიმო წესი დაირღვა და ადგილი არ ქონია საიდუმლო ობიექტზე შესვლის წესის დარღვევას. ხიდაშელის თქმით ობიექტი ნამდვილად საიდუმლო იყო და სწორედ ამ დარღვევების გამო გათავისუფლა მან თავდაცვის სამინისტროს ის თანამშრომელი, რომელმაც წითელაშვილი ობიექტზე შეუშვა:

„ეს ადამიანი მე გავათავისუფლე თავდაცვის სამინისტროდან, მას შემდეგ რაც გავარკვიე, რომ ასეთ შემთხვევას ქონდა ადგილი. არ ვეთანხმები სარეჟიმო წესის დარღვევის შესახებ განცხადებებს. დაველოდოთ რას იტყვის გამოძიება, მე ნამდვილად არ შემიძლია მისამართების დასახლება, იმ ობიექტის, რომელზეც საუბარი იყო, მაგრამ ნამდვილად შემიძლია გითხრათ, რომ ის საიდუმლო ობიექტი იყო . ამის მარტივი დადასტურება შეიძლება იმით, რომ ერთ-ერთ უშიშროების საბჭოზე ამ ობიექტს საიდუმლო სტატუსი მოვხსენით, ანუ მანამდე ის საიდუმლო ობიექტი იყო.“- განაცხადა თინათინ ხიდაშელმა.