8 წელი აგვისტოს ომიდან - "ეს გარდაუვალი იყო"- ესპერტების შეფასებები

პოლიტიკა - 10:47, 08 Aug, 2016

2625

2008 წლის რუსეთ-საქართველოს აგვისტოს ომიდან 8 წელი გავიდა. რუსული ინტერვენციის შედეგად დაიღუპა საქართველოს 228 მშვიდობიანი მოქალაქე, 14 პოლიციელი, დაიჭრა 1 747. თითქმის 150 000-მა ადამიანი იძულებული გახდა საკუთარი სახლი დაეტოვებინა, მათგან დღემდე დევნილობაში რჩება 30 000-მდე.
თავდაცვის სამინისტროს მონაცემებით, სულ დაღუპულად მიიჩნევა 169 სამხედრო.
რუსეთის ინტერვენციიდან 8 წლის თავზე ექსპერტები კვლავ თვლიან, რომ რუსეთის სამხედრო ინტერვენციის მიზანი არა მხოლოდ ტერიტორიების დაკავება, არამედ მისთვის მისაღები რეჟიმის საქართველოში დასამყარებლად ხელშეწყობა იყო.
ანალიტიკოსების აზრით, რუსეთს უკან დახევა საერთაშორისო ზეწოლითაა შესაძლებელი.

“ეს იყო პირდაპირი ღია და დაუფარავი აგრესია, რომლის საბოლოო ამოცანა როგორც ჩანს იყო თბილისის აღება და აქ მყოფი ხელისუფლების დამხობა. მიუხედავად იმისა, რომ აფხაზეთის და ოსეთის ოკუპაცია მოხერხდა, შეერთებული შტატების მკაცრი ჩარევის შედეგად, მთლიანი დიდი გეგმა საქართველოს სახელმწიფოებრიობის ბოლომდე გაუქმებისა, მან ვერ მოახერხა, - განაცხადა საქართველოს ატლანტიკური საბჭოს გამგეობის თავმჯდომარემ დავით სიხარულიძემ.

ახალი პოლიტიკური ცენტრი - გირჩის საგარეო მდივნის მამუკა კუდავას თქმით, რუსეთის შეჩერება მოხერხდა ევროკავშირის დახმარებით.

“რუსების შეჩერება არ მოხერხდებოდა არანაირად, რომ არა ეს ძალიან დიდი პოლიტიკური ზეწოლა, რომელიც განახორციელა ევროკავშირმა და ამერიკის შეერთებულმა შტატებმა,“ - აღნიშნა კუდავამ.

ნოდარ ხარშილაძის განცხადებით კი რუსეთის მიზანი იყო დამოუკიდებელი პოლიტიკი მქონე საქართველოს დასჯა.

"რუსეთის მიზანი არ იყო მხოლოდ აფხაზეთისა და ოსეთის ოკუპაცია, ეს ტერიტორიები მას ისედაც ოკუპირებული ჰქონდა. მისი მიზანი იყო საქართველოში მეგობრული რეჟიმის დასმა, რაც იმ მომენტში ვერ მოახერხა, მაგრამ გააკეთა 4 წლის შემდეგ, როცა ფულის ინვესტიციებით რუსი ბიზნესმენი ჩამოიტვანა საქართველოში"- აღნიშნა ხარშილაძემ.