„ახალი მემარჯვენეების“, ახალი პოლიტიკური ცენტრი „გირჩისა“ და „ახალი საქართველოს“ გაერთიანებას ექსპერტი გია ხუხაშვილი ეხმაურება. ექსპერტის განცხადებით ახალ პოლიტიკურ ბლოკს გამარჯვების შანსი არ აქვს:

„ეს გაერთიანება არის პრინციპით, მკვდარი მკვდარს აეკიდა. წარმოიდგინეთ სამი ნულოვანი პარტიის შეერთებით, ნული რამდენზეც არ უნდა გაამრავლო, მაინც ნულია. აქედან გამომდინარე, გასაგებია, რომ მათ ჰქონდათ ილუზია, რომ რაღაც პარტიას შექმნიდნენ და იყვნენ ლიდერები. დაინახეს, რომ ეს ილუზია იყო და მეტი არაფერი და ახლა იმ ილუზიიდან ახალ ილუზიაში გადავიდნენ, რომ აი ასეთი შეკრება რაღაცას მისცემთ, სინამვილეში მათემატიკა ძალიან სასტიკი რამ არის და ნული გინდა გაამრავლე და გინდა შეკრიბე, მაინც ნულია“,-განაცხადა ხუხაშვილმა.