სამოქალაქო სექტორი საქართველოს პრეზიდენტს გიორგი მარგველაშვილს პეტიციით მიმართავს - "პრეზიდენტმა არ დანიშნოს ქორწინების შესახებ რეფერენდუმი"

სამოქალაქო სექტორის წარმომადგენლები მიიჩნევენ, რომ პრეზიდენტის მიერ რეფერენდუმის დანიშვნა წინააღმდეგობაში იქნება საქართველოს კონსტიტუციასთან.

"ხელოვნურად არის შემოტანილი სწორედ პრორუსული პროპაგანდისა და იმ ძალების მიერ, რომლებიც ხელს უწყობენ საქართველოში პრორუსული გავლენის გაზრდას. ხელისუფლება ცდილობს რეფერენდუმით არჩევნებზე ჰომოფობიური, აგრესიული, პრორუსულად განწყობილი ამომრჩეველი მოიყვანოს,“- განაცხადა მედიაექსპერტმა, ნინო დანელიამ.

განსხვავებული პოზიცია აქვთ საინიციატივო ჯგუფის წევრებს, რომლებიც რეფერენდუმის ჩატარების მომხრეები არიან.