ბათუმის საკრებულოს ფრაქცია „ერთიანი ნაციონალური მოძრაობის“ თავმჯდომარის გიორგი კირთაძის განცხადებით, დღეს ბათუმში მომხდარ დაპირისპირებას ორგანიზება ქართულმა ოცნებამ გაუკეთა, რადგან მმართველი გუნდი ხვდება, რომ ის აჭარის რეგიონში ენმ-სთან დამარცხდება:

„ცალსახად ჩანს, რომ პატარაძემ ბიძნას დახმარება სთხოვა და ბიძინამაც კორკოტასა და ტრისტან წითელაშვილის სახით ე.წ „მძიმე არტილერია“ გამოაგზავნა ბათუმში. ადამიანების ორგანიზებას ქართული ოცნების შტაბი პატარაძის ხელმძღვანელობით აკეთებდა. მოვიდნენ იმისთვის რომ გადფაფარონ რაც ქალაქში ხდება. ბათუმში და აჭარაში ნაციონალურ მოძრაობას ეს არჩევნები მოგებული აქვს.“- განაცხადა გიორგი კირთაძემ.

შეგახსენებთ დღეს ბათუმში "ნაციონალური მოძრაობის" წევრებსა და მოძრაობა "ჩვენი სამშობლოს" წარმომადგენლებს შორის დაპირისპირება მოხდა.