საქართველოს შინაგან საქმეთა მინისტრის მოადგილე არჩილ თალაკვაძე საკონსტიტუციო სასამართლოს საქმეზე კომენტარს აკეთებს. თალაკვაძის განცხადებით, გიორგი პაპუაშვილის განცხადებებს, საკონსტიტუციო სასამართლოს მოსამართლეებზე ზეწოლასთან დაკავშირებით გარკვეული მიზანი ჰქონდა და შესაბამისი უწყება საქმის დეტალებით არის დაინტერესებული:

„შემაშფოთებელია ის ფაქტი, რომ მოხდა სარჩელის შესაძლო შეცვლა. ეს ბუნებრივია აჩენს შეკითხვებს და ეჭვებს, ხომ არ იყო გარკვეული წინასწარი კავშირი სასამართლოსთან და ხომ არ ელოდებოდა ამ სარჩელს უკვე ვინმე წინასწარ მომზადებული სცენარით სასამართლოში. პოლიტიკური შემადგენლის მქონე სარჩელები ეწერებოდათ მხოლოდ და მხოლოდ ერთი და იგივე მოსამართლეებს. ბუნებრივია, შეკითხვას აჩენს საკონსტიტუციო სასამართლოს თავმჯდომარის მისამართით. მე ვფქრობ, მას მოუწევს პასუხების გაცემა. ჩნდება ეჭვი, ხომ არ იყო მის განცხადბები ზეწოლასთან დაკავშირებით, გაკეთებული იმიტომ, რომ ყურადღების გადატანა ამ გარემოებებიდან მომხდარიყო სწორედ მის განცხადებაზე. პროკურატურაა დაინტერესებული, ყველა შესაბამისი უწყება არის დაინტერესებული,“ - განაცხადა არჩილ თალაკვაძემ.