რუსული სარაგბო კლუბის, "ენისეის" მორაგბეებმა საქართველოს მორაგბეთა ნაკრების წევრის მერაბ კვირიკაშვილის მხარდამჭერი ვიდეო გაავრცელეს. მორაგბეები მერაბ კვირიკაშვილს მეუღლის გარდაცვალების გამო უსამძიმრებენ და თანადგომას უცხადებენ.

„მერაბ, ვიცით, რაც მოხდა. ვხვდებით, რომ არანაირ სიტყვებს არ შეუძლიათ შენი ტკივილის შემსუბუქება, მაგრამ იცოდე, რომ მარტო არ ხარ. ჩვენ შენს გვერდით ვართ. ღმერთმა ნათელში ამყოფოს შენი მეუღლე. ძლიერი უნდა იყო, შენ შვილები გყავს. ყველაფერი კარგად იქნება. ამ რთულ დროს ჩვენ ყველანი შენს გვერდით ვდგავართ."- ნათქვამია მორაგბეების მიერ გავრცელებულ ვიდეოში.