საპარლამენტო უმრავლესობის წევრი ეკა ბესელია თავდაცვის ახალი მინისტრის მიმართ თინა ხიდაშელისა და დავით უსუფაშვილის მიერ გამოთქმულ კრიტიკას ეხმაურება. პარლამენტის ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარის ეკა ბესელიას თქმით, ინსტიტუციების შეურაცხყოფა დაუშვებელია.

„კონკურენციის ვითარება, დააკარგვინებს თუ არა პოლიტიკურ წონასწორობას პოლიტიკურ ლიდერებს და ათქმევინებს თუ არა ადეკვატურ რამეს ან გააკეთებინებს იმას, რაც არა კორექტულია, სწორედ ამით იზომებიან პოლიტიკოსები, ლიდერები. წინასაარჩევნო გარემო, არ ნიშნავს იმას, რომ დაკარგო კონტროლი საკუთარ განცხადებებზე,“ - განაცხადა ეკა ბესელიამ.