საქართველოს სახელმწიფო მინისტრები პრემიერ-მინისტრს გადაწყვეტილებას უწონებენ. საუბარია ლევან იზორიასა და ქეთევან ციხელაშვილის წარდგენაზე. მათი განცხადებით, გიორგი კვირიკაშვილმა კარგი კადრები შეარჩია.

სოზარ სუბარი არ იზიარებს ყოფილი კოლეგის, თინა ხიდაშელის შეფასებას.

“ცოტა ვერ გავიგე მაგალითი, როდესაც ქალბატონმა თინამ გააკეთა დაპირისპირება ალასანია-იზორიას შორის, რადგან, ალასანია კარგად გვახსოვს, ასევე იყო უშიშროების მინისტრის მოადგილე თავის დროზე, საკმაოდ მაღალი თანამდებობის ჩინი ჰქონდა, თუ არ ვცდები პოლკოვნიკი თუ გენერალია და პირიქით, საკადრო ოფიცერი იყო, განსხვავებით იზორიასგან, რომელიც არც თუ დიდი ხნის მისულია ამ უწყებაში. თუმცა, ეს მე მიმაჩნია, რომ ორივე შემთხვევაში არის პლიუსი და არა მინუსი,“- განაცხადა სოზარ სუბარმა.