საქართველოს ყოფილი ტავდაცვის მინისტრი თინა ხიდაშელი, მის შემცვლელად სახელმწიფო უსაფრთხოების სამსახურის კადრის დანიშვნას არასწორ ნაბიჯად მიიჩნევს და ამას ცუდ ტენდენციას უწოდებს. მისივე შეფასებით, ასევე შეცდომა იყო თავის დროზე ირაკლი ალასანიას, ჯანელიძით ჩანაცვლება.

"არ შეიძლება სუს-ი დაასვა თავზე ჯარს, პირდაპირ რომ ვთქვათ, ყოველგვარი ქვეტექსტების გარეშე. ძალიან სამწუხაროა. ამ ოთხი წლის განმავლობაში უკვე მეორედ ხდება თავდაცვის სამინისტროში უშიშროება ანაცვლებს, ეს ძალიან ცუდი ტენდენციაა, ეს არის იმ პრინციპების საწინააღმდეგო გადაწყვეტილება, რომელიც ნატოს მიერ არის აღიარებული, რომლითაც შენ განაცხადი გაქვს გაკეთებული, რომ შენ ნატოში მიდიხარ," - აღმნიშნავს თინა ხიდაშელი.