საქართველოს თავდაცვის მინისტრი ლევან იზორია სამინისტროში პრემიერ-მინისტრმა წარადგინა. იზორიას თავდაცვის უწყებაში გაერთიანებული შტაბის ხელმძღვანელი ვახტანგ კაპანაძე დახვდა.

სამინისტროში შესვლამდე მედიისთვის კომენტარი არც ლევან იზორიას და არც გიორგი კვირიკაშვილს გაუკეთებიათ.

ვახტანგ კაპანაძე კი თანამდებობაზე რჩება. მისი თქმით, ლევან იზორიასთან შეხვედრა დღემდე არ ჰქონია, თუმცა გეგმავს, რომ მინისტრს გენშტაბის შემადგენლობასთან ერთად შეხვდეს.

„თვითონ დასვამს ალბათ კითხვებს, რაც მას აინტერესებს, დაალაგებს მნიშვნელობის მიხედვით რას უნდა გაეცნოს პირველ ნაწილში, მეორე ნაწილში. ყველანაირი ინფომრაცია მზად გვაქვს, შტაბთან შეხვედრაც იქნება ალბათ, დამოუკიდებლად და ასე ვიმუშავებთ,“- განაცხადა ვახტანგ კაპანაძემ.