"ამომრჩეველი დღევანდელ ხელისუფლებას ხმას აღარ მისცემს"- სალომე სამადაშვილი NDI-ს კვლევებს ეხმაურება

პოლიტიკა - 13:16, 29 Jul, 2016

1911

ერთიანი ნაციონალური მოძრაობის წევრი სალომე სამადაშვილი NDI-ს კვლევებს ეხმაურება. მისი თქმით, ის, რომ ამომრჩევლის დიდ ნაწილს გადაწყვეტილება მიღებული არ აქვს პირდაპირ მიუთითებს ერთ ფაქტზე - ისინი ხელისუფლებისთვის ხმის მიცემას აღარ აპირებენ.

„რადგან ამომრჩევლის დიდ რაოდენობას გადაწყვეტილება მიღებული არ აქვს, მიუთითებს ერთ რამეს - ეს ამომრჩეველი დღევანდელ ხელისუფლებას ხმა აღარ მისცემს, რადგან ყველამ ნათლად დაინახა ამ ხელისუფლებას რისი გაკეთებაც შეეძლო.

რაც შეეხება იმას, რომ ამომრჩევლებს სხვა პოლიტიკური სუბიექტების სასარგებლოდ არ აქვთ გადაწყვეტილიება მიღებული, ეს იმიტომ ხდება, რომ საარჩევნიო კამპანია ახალი დაწყებულია. ჩვენ უნდა გვესმოდეს, რომ ეს გამოკითხვა ჩატარდა მაშინ, როდესაც ამომრჩევლამდე გზავნილების მიტანა ახალი დაწყებული იყო, არჩევნებამდე რამდენიმე კვირით ადრე კი გვექნება მდგომარეობა, როცა ამომღცეველი საკმარისად იქნება ინფორმირებული.

თუმცა, აქვე მინდა ვისაუბრო ხელისუფლების პასუხისმგებლობაზე, ის ვალდებულია ოპოზიციურ სპექტრს შესაძლებლობა მისცეს ჩაატაროს ნორმალური საარჩევნო კამპანია და ის რაც ხდება დღეს ქვეყანაში - ძალადობის, თავდასხმის და გამოუძიებელი ინციდენტების სახით, რა თქმა უნდა ასეთი გარემოს შექმნას ხელს უშლის.“ - განაცხადა სამადაშვილმა.