პაატა ბურჭულაძე ფილადელფიაში მსოფლიო ლიდერთა ფორუმზე ამერიკელ კონგრესმენებს შეხვდა

პოლიტიკა - 11:51, 29 Jul, 2016

786

„მოძრაობა სახელმწიფო ხალხისთვის“ თავმჯდომარემ ფილადელფიაში მსოფლიო ლიდერთა ფორუმზე ამერიკელ კონგრესმენებს საქართველოს წინასაარჩევნო პერიოდზე ინფორმაცია მიაწოდა. სახელმწიფო ხალხისთვის ლიდერი ფორუმში მონაწილეობის პარალელურად, ამერიკის შეერთებულ შტატებში ორმხრივ შეხვედრებს მართავს. პაატა ბურჭულაძე და გიორგი რუხაძე მიჩიგანის შტატიდან სენატორ გარი პიტერს კონგრესმენ ადამ შიფს და კონგრესმენ ჯერი კონოლს შეხვდნენ. შეხვედრებისას განხილული იყო საქართველოში მიმდინარე მოვლენები. ქვეყანაში სამართლის უზენაესობა და მედია პლურალიზმის პრობლემები. ამერიკელი სენატორები დაინტერესდნენ საქართველოში წინა საარჩევნო გარემოთი. ასევე საუბარი შეეხო ორ ქვეყანას შორის თავისუფალი ვაჭრობის ხელშეკრულებას. „მოძრაობა სახელმწიფო ხალხისთვის“ თავმჯდომარე დაესწრო რესპუბლიკური პარტიის ყრილობას . პაატა ბურჭულაძემ ასევე ინტერვიუები მისცა გავლენიან ამერიკულ გამოცემებს USA Today-ს, ვაშინგტონ პოსტს და ნიუსვიკს.

“გავაცანით რა სიტუაციაა დღეს საქართველოში, როგორ მიდის არჩევნების წინ მზადება და რაც მთავარია, ჩვენ გამოვიტანეთ დასკვნები, თუ როგორ უნდა იმოქმედოს ჩვენმა გუნდმა. ეს არის ძალიან მნიშვნელოვანი,“ - განაცხადა პაატა ბურჭულაძემ.

პოლიტიკური მოძრაობა პაატა ბურჭულაძე - სახელმწიფო ხალხისთვის ერთ-ერთმა ლიდერმა გიორგი რუხაძემ განმარტა, რომ ამერიკელ კოლეგებთან შეხვედრის დროს, საუბარი შეეხო საქართველოსა და კავკასიაში არსებულ ვითარებას. რუსულ საფრთხეებს და წინასაარჩევნო ვითარებას.

„სწორედ, ვაშინგტონის და თბილისის ინტერესებშია, რომ საქართველოში ოქტომბრის არჩევნები ჩატარდეს სამართლიან და თავისუფალ გარემოში,“ - აღნიშნა რუხაძემ.