"მოხდა გარკვეული უსამართლობა" - ანა დოლიძე ევა გოცირიძის შერჩევის გამო მთავრობისგან განმარტებებს ელოდება

პოლიტიკა - 21:34, 28 Jul, 2016

3546

პრეზიდენტის მრჩეველი და ევროსასამართლოს მოსამართლეობის კანდიდატობის კონკურსში მონაწილე ანა დოლიძე საქართველოს მთავრობის მიერ ევროსასამართლოს მოსამართლეობის კანდიდატად ევა გოცირიძის შერჩევის საკიტხს გამოეხმაურა. აამა დოლიძის განცხადებით აღნიშნული გადაწყვეტილება ნაჩქარევ და გაუმჭვირვალე ხასიათს ატარებდა და მას გარკვეული უსამართლობის შთაბეჭდილება დარჩა.

მე, როგორც ამ კონკურსის ფინასლისტს, ამ განცხადების ნაჩქარევი და გაუმჭვირვალე ხასიათით დამრჩა შთაბეჭდილება, რომ მოხდა გარკვეული უსამართლობა. შესაბამისად, მეც და საქართველოს მოსახლეობასაც, რომელიც გულისყურით ადევნებს თვალყურს, აქვს მოლოდინი რომ იმ პირთა მხრიდან, რომლის მიერაც იქნა გადაწყვეტილება წარმოდგენილი, იქნება დასაბუთება რა კრიტერიუმებით მოხდა ამ გადაწყვეტილების მიღება ნაჩქარევად და დახურულ კარს მიღმა," - აცხადებს ანა დოლიძე.

შეგახსენებთ, რომ კომისიამ ანა დოლიძეს კონკურსში მონაწილე პირათა შორის ყველაზე მაღალი შეფასება მისცა, ევა გოცირიძე კი თავის დროზე ვერ მოხვდა კომისიის მიერ შერჩეულ სამ კანდიდატს შორის და არასამთავრობოებისგან ნული ქულა მიიღო, თუმცა ის მთავრობის გადაწყვეტილებით მაინც იქნება წარდგენილი სტრასბურგში.