"კარალიძე ისჯება იმის გამო, რომ ლოიალობა არ გამოუცხადა არსებულ ხელისუფლებას"-გიორგი ტუღუში

პოლიტიკა - 15:22, 28 Jul, 2016

964

„რევაზ კარალიძე ქობულეთის საკრებულოს თავმჯდომარის მოადგილე იყო, როდესაც აბსურდული ბრალდებებით დააკავეს. ასევე, ხაზი უნდა გაესვას იმას, რომ ეს იყო ერთ-ერთი გამონაკლისი საკრებულო, რომლის დამორჩილებაც ვერ მოახერხა ხელისუფლებამ მუქარისა და შანტაჟის მიუხედავად. სწორედ ამის შემდეგ ბატონი კარალიძე დააკავეს აბსურდული ბრალდებებით და მიუსაჯეს პატიმრობა, თუმცა მანამდე გირაოთი გაათავისუფლეს. ამის შემდეგ ხდება საკმაოდ უპრეცედენტო რამ - მისმა სისხლის სამართლის საქმემ მოიარა, როგორც სააპელაციო სასამართლო, ბოლოს მოხვდა უზენაეს სასამართლოში. ასევე აღსანიშნავია, რომ ამ საქმის განხილაშვი უშუალოდ უზენაესი სასამართლოს თავმჯდომარე ნინო გვენეტაძე მონაწილეობდა. კარალიძეს პროკურატურის მოთხოვნით გადაუკვალიფიცირეს მუხლი და გაუზარდეს პატიმრობის ვადა 11 წლამდე, რაც ძალიან მძიმე ფაქტია. ეს კიდევ ერთხელ მიუთითებს იმას, რომ გვყავს კიდევ ერთი პოლიტიკური პატიმარი და იგი ისჯება იმის გამო, რომ ლოიალობა არ გამოუცხადა არსებულ ხელისუფლებას. მინდა ხაზი გავუსვა იმას, რომ კარალიძეს აქვს საკმაოდ მძიმე ჯანმრთელობის მდგომარეობა. არაერთხელ იყო მცდელობა, რომ მასზე განეხორციელებინათ ზეწოლა საპატიმროში ყოფნის დროს. კარალიძე მოათავსეს საკანში, სადაც მისი შეყვანა არ უნდა მომხდარიყო. ეს მიუთითებს ხელისუფლების აშკარა სისუსტეზე.

რევაზ კარალიძეს პატიმრობის ვადა გაუზარდეს, რადგან მისი პატიმრობიდან გათავისუფლების ეშინოდათ. წესით, მას უნდა შეხებოდა პირობით ვადამდე გათავისუფლებაც ასევე, ყველანაირი წინაპირობა არსებობდა კარალიძის შეწყალებისათვის.

ივანიშვილის რეჟიმი ამით საწადელს ვერ მიაღწევს. 8 ოქტომბერს ჩვენ დავასრულებთ პოლიტიკურ ნიადაგზე ყველა დევნას და აღარ განმეორდება საქართველოს ისტორიაში. წარმოუდგენელია ადმაიანი სასჯელს იხდიდეს აბსურდული ბრალდებებით, საკასაციო სასამართლო მას უმატებდეს პატიმრობას და მოახლოებული არჩევნების გამო, ზუსტად ამიტომ, ადამიანს არ უშვებდნენ ციხიდან“- განაცხადა ტუღუშმა.