,,ოცნების“ ოთხი წელი... ვინ გაიზარდა, ვის ვუყურებთ...?

,,ოცნების“ ოთხი წელი... ვინ გაიზარდა, ვის ვუყურებთ...? - თორნიკე შარაშენიძე

სოც.მედია - 13:16, 28 Jul, 2016

2180

,,ქართული ოცნების“ განვლილ ოთხ წელიწადში მმართველ გუნდში ,,გამოზრდილ“ პოლიტიკოსებზე წერს ექსპერტი თორნიკე შარაშნიძე:

,,არ ვიცი "ოცნების" ახალი სახეები რას იზამენ? ისე კი ოთხი წელიწადი თეორიულად საკმარისი დრო იყო რათა "ოცნებაში" სერიოზული პოლიტიკოსები გაზრდილიყვნენ. ვინ გაიზარდა, ვის ვუყურებთ ბოლო ოთხი წელი?

ერთ კატეგორიას პირობითად შეიძლება დავარქვათ მანანა არჩილ-კესო - კატეგორია რომელიც აკეთებს კატასტროფულ და სამარცხვინო განცხადებებს (და დიდი შანსია ისეთივე საქმეებს ჩადიოდეს);

მეორეს პირობითად ვუწოდოთ ნუკრი ქანთარია - მოვიდა, ოთხი წელი თვითკმაყოფილი იღიმოდა და რომ წავა არავის გაახსენდება;

მესამეს პირობითად ვუწოდოთ მეჭიაური - რუსეთთან ღიად შეკრულები;

მეოთხეს პირობითად ვუწოდოთ ძიძიგური - დიდი ხანია რაც პოლიტიკაშია და გამოცდილების წყალობით ბოლო ოთხ წელიწადში ყველაფრის მიუხედავად თავი ძალიან არ შეურცხვენია. თუმცა მათ ახალ სახეებს ვერ ვუწოდებთ და იგივე ძიძიგური სულაც ცალკე პარტიას წარმოადგენს;

დაბოლოს, მეხუთე - ივანიშვილის უშუალო გუნდი (ღარიბაშვილი, კვირიკაშვილი, სერგეენკო). აქ ძნელია ობიექტური შეფასება გააკეთო, რადგან ისინი პირდაპირ მინისტრების სავარძლებში დასვეს და სერიოზული ბერკეტებიც მიანდეს. პოლიტიკურ ბრძოლაში ისინი არასოდეს ჩაბმულან;

აი ეს არის. "ოცნებამ" ძნელად გამოზარდა ვინმე ბოლო ოთხი წელი, არადა თუკი ისევ გაიმარჯვა მომავალი ოთხი წელი მისთვის გაცილებით მძიმე იქნება“ - წერს შარაშენიძე ფეისბუქის საკუთარ გვერდზე.