ვინ არის პატარა ნაკო „ჩემი ცოლის დაქალებიდან“ და როგორ აღმოჩნდა ის ყველაზე პოპულარულ ქართულ სერიალში (ფოტოკოლაჟი)

სოც.მედია - 09:37, 28 Jul, 2016

45473

არავის დარჩებოდა შუმჩნეველი სერიალ „ჩემი ცოლის დაქალების“ ყველაზე პატარა წევრის, ნაკოს გამოჩენა, რომელიც კატოს ნანატრ შვილს ასახიერებს. ყველას აინტერესებს თუ ვინ არის პატარა და საიდან აღმოჩნდა სერიალში. პატარა მსახიობი ნინი ლევიძეა. ნინის დედა, თეა გოროზია კი მთელ გადამღებ ჯგუფს სოციალური ქსელის საშუალებით დიდ მადლობას უხდის: „2 დღეა რაც ჩემმა გოგომ დაასრულა სერიალ "ჩემი ცოლის დაქალების" ამ სეზონის გადაღებები და მისი "შვებულებაში" წაყვანის გამო ვერ მოვასწარი ჩემი აზრის გამოხატვა მთელ ამ ამბავთან დაკავშირებით :)) მოკლედ, რამდენადაც სანერვიულო იყო ჩემთვის ნინის გადაღებებზე სიარული, იმდენად სასიამოვნო და სახალისო გახდა ნელ-ნელა. არასოდეს დამავიწყდება ნინის კაპრიზის გამო ლაფეტზე შემდგარი მთელი გადამღები ჯგუფი როგორ ართობდა ჩემ გოგოს. ნინო გაჩეჩილაძე მინდა მადლობა გითხრათ შენ, მთელ გადამღებ ჯგუფს და მსახიობებს რომლებიც ნინის სიყვარულით და სითბოთი ანებივრებდით. თამთა, მადლობა რომ ჩემი გოგოს ინტერესების დამცველი იყავი პირველი წუთიდან, ბოლომდე და რაც მთავარია მადლობა ჩვენს პედიატრს ნატო ხატიაშვილს იმისთვის რომ ამ როლზე ამდენი ბავშვიდან ჩვენ გავახსენდით“-წერს თეა გოროზია.