საქართველოს პრემიერისა და საკონსტიტუციო სასამართლოს თავმჯდომარის შეხვედრა დასრულდა. გიორგი პაპუაშვილი კვირიკაშვილთან შეხვედრით კმაყოფილია და აცხადებს, რომ პრემიერთან შეხვედრის მიზანი მისგან გარანტიების მიღება იყო.

,,გიორგი კვირიკაშვილი ამბობს, რომ ის ენდობა საგამოძიებო ორგანოებს და თქვა, რომ ისინი ობიექტურად გამოიძიებენ ამ საქმეებს. მე დამრჩა ჩემი კითხვის ნიშნები პროკურატურასთან მიმართებაში. პრემიერი კი დარჩა თავის აზრზე, რომ პროკურატურას უნდა მივცეთ საშუალება გამოიძიოს ეს საქმე. მე ვეცდები მოსამართლეები დავარწმუნო, რომ ითანამშრომლონ საგამოძიებო ორგანოებთან. პრემიერთან ღია საუბარი გვქონდა , მე მადლობელი ვარ რომ შევხვდით. ის თვლის რომ გამოძიება მისი პრეროგატივა არაა რაც ბუნებრივია, მაგრამ ის არის პასუხისმგებელი ზოგადად სამართალდამცავი ორგანოების მუშაობაზეც. ჩემი ინტერესი იყო, რომ მისგან და საქართველოს პრეზიდენტისგამ ასევე პარლამენტის თავმჯდომარისგან გარკვეული გარანტიები ყოფილიყო და საკონსტიტუციო სასამართლომ ისე იმოღვაწეოს, რომ არცერთი მხარე არ ჩაერიოს“- განაცხადა პაპუაშვილმა.

საკონსტიტუციო სასამართლოს თავმჯდომარე მზადყოფნას აცხადებს, რომ მთავარ პროკურორს შეხვდეს, რათა განიხილოს ის მექანიზმები და ბერკეტები რომელიც არსებობს აქვს იმისთვის, რომ მოსამართლეებზე ზეწოლის ფაქტები გამოძიებული იქნეს. გიორგი პაპუაშვილს არ დაუკონკრეტებია ის პროკურატურაში მისვლას მხოლოდ ირაკლი შოთაძესთან შესახვედრად აპირებს თუ გამოკითხვაზეც, რომელისაც საგამოძიებო უწყება მოსამართლეებზე ზეწოლის საქმეზე მიმდინარე გამოძიების ფარგლებში აწარმოებს.