"პრეზიდენტს მეტი დაფიქრება მართებს"- ვოლსკი მარგველაშვილის განცხადებას კალაძის დისკრედიტაციის მცდელობად აფასებს

პოლიტიკა - 17:16, 27 Jul, 2016

1284

ფრაქცია “ქართული ოცნების“ თავმჯდომარე კორცხელში მომხდარ ინციდენტთან დაკავშირებით პრეზიდენტის პოზიციას ეხმაურება, გია ვოლსკი აღნიშნულ ინციდენტთან კახა კალაძის კავშირს უარყოფს და პრეზიდენტს განცხადებების გაკეთების დროს მეტი სიფრთხილისკენ მოუწოდებს:

„კალაძეს კონკრეტულ თემასთან დაკავშირებით არავითარი კავშირი არ ჰქონია, არ აქვს და არ ექნება. კალაძის დისკრედიტაცია, როგორც საარჩევნო შტაბის ხელმძღვანელის, არის ერთ-ერთი მიმართულება, რომელსაც გარკვეული პოლიტიკური ძალები მხარს დაუჭერს. პრეზიდენტს გაცილებით მეტი დაფიქრება მართებს ნებისმიერი განცხადების გაკეთების დროს, რომელიც სახელმწიფო მოღვაწეს ეხება, მით უმეტეს კალაძე მისი საარჩევნო შტაბის ხელმძღვანელიც იყო,“- განაცხადა გიორგი ვოლსკიმ.

შეგახსენებთ საქართველოს პრეზიდენტის პრესსპიკერი ეკა მიშველაძე გუშინდელ ბრიფინგზე კორცხელის ინციდენტს გამოეხმაურა და აღნიშნა, რომ პრეზიდენტის აზრით, უნდა გაეცეს პასუხი კითხვას, რა კავშირი აქვს კორცხელის ინციდენტთან „ქართული ოცნების“ საარჩევნო შტაბის უფროს კახა კალაძეს. როგორც ეკა მიშველაძემ განმარტა, საქართველოს პრეზიდენტი მიიჩნევს, რომ ინსტიტუციების დისკრედიტაცია უმოქმედობით ხდება.