„პაციენტი სტაბილურად მძიმეა“ - დიმიტრი შაშკინი NDI-ის კვლევას აფასებს

პოლიტიკა - 12:37, 27 Jul, 2016

2918

„ეროვნულ დემოკრატიულმა ინსტიტუტმა“ კვლევები გამოაქვეყნა. NDI-ს საზოგადოებრივი აზრის კვლევის შედეგების მიხედვით, კითხვაზე: "როგორ შეცვალა მდგომარეობა საქართველოში 2012 წლის ოქტომბერთან შედარებით"-გამოკითხულთა 55% თვლის, რომ ქვეყანაში სამედიცინო მომსახურება ხელმისაწვდომია, 27%-ს მიაჩნია, რომ აღნიშნულ სფეროში ვითარება არ შეცვლილა, 14%-სთვის გაუარესდა, უარი პასუხზე რესპონდენტების 5%-მა განაცხადა.

აღნიშნულ კვლევებთან დაკავშირებით „ნიუპოსტთან“ საუბრისას შეფასებას საქართველოს თავდაცვის ყოფილი მინისტრი დიმიტრი შაშკინი აკეთებს, შაშკინის განცხადებით არსებული კვლევის შედეგების მიხედვით დიაგნოზი შეიძლება დაისვას, რომ „პაციენტი სტაბილურად მძიმეა“:

„ამ კვლევებს ზოგადი შეფასება რომ მისცე, ამ დიაგნოზს ჰქვია, პაციენტი არის სტაბილურად მძიმე, ჩვენი ხელისუფლება შიდა და საგარეო ვალების ზრდით ახერხებს ამ მძიმე პაციენტის სტაბილურობას, ანუ ახერხებენ მინიმალური სოციალური პროგრამების განხორცეიელებას იმისათვის, რომ ქვეყანა არ აფეთქდეს, მაგრამ როდესაც შენი კრედიტუნარიანობა დამთავრდება, შემდეგ ქვეყანა უკვე აფეთქდება. სამწუხაროდ, დინამიკა არის მხოლოდ გაუარესებისკენ და არანაირი პოზიტიური ძვლები იმ პრობლემების მიხედვით, რომელიც ქვეყანას აწუხებს, კვლევებში არ ფიქსირდება. კვლევა საჭირო არ არის, რომ ეს დადასტურდეს, რადგან ყველა ამ ქვეყანაში ვცხოვრობთ და ყველას გვაქვს ყოველდღიური შეხება ფასების ზრდასთან, ყოველდღიური შეხება უმუშევრობასთან, სამწუხაროდ გაუარესებულ კრიმინალთან და გაუარესებულ კორუფციასთან. ბუნებრივია ყველა ყველაფერს ხედავს და ძალინ ადექვატურადაც აფაესებს. არანაირი გარღვევა მოსალოდნელი არ არის არც კვლევის მიხედვით, არც ხალხის აზრით, რაც ბუნებრივია ძალიან სამწუხაროა ქვეყნისთვის“, - განაცხადა დიმიტრი შაშკინმა.