სახელმწიფო დაცვის სპეციალური სამსახურის ყოფილი უფროსის ღია წერილი პრეზიდენტს

პოლიტიკა - 20:56, 26 Jul, 2016

7129

სახელმწიფო დაცვის სპეციალური სამსახურის ყოფილი უფროსი, თემურ ჯანაშია, პრეზიდენტს ღია წერილით მიმართავს. ჯანაშია პრეზიდენტის ინსტიტუტის წინააღმდეგ წარმოებულ კამპანიაზე საუბრობს და ქვეყნის პირველ პირს მოუწოდებს იყოს უკომპრომისო ქვეყანაში გამეფებული უსამართლობისა და შერჩევითი მართლმსაჯულების წინააღმდეგ.

,,ნიუპოსტი“ უცვლელად გთავაზობთ თემურ ჯანაშიას ღია წერილს.

"დიდი გულისტიკვილით ვადევნებ თვალს თქვენს წინააღმდეგ ხელისუფლების წარმომადგენელების, ძალოვანი სტრუქტურების, საპარლამენტო უმრავლესო ბისმიერ წარმოებულ შემაძრწუნებელდა უკანონო კამპანიას, რომლის მიზანსაც პრეზიდენტის ინსტიტუტის დისკრედიტაცია და პირადად თქვენი მორალურად გატეხვა წარმოადგენს.

მიმაჩნია, რომ მიუხედავად პოლიტიკური შეხედულებებისა, სამოქალაქო პოზიციებიდან გამომდინარე, ყველა უნდა დაირაზმოს პრეზიდენტის წინააღმდეგ წარმოებული ამ აღვირახსნილი ტალღის შესაჩერებლად, რომელიც ადრე თუ გვიან შეიძლება, გადაიზარდოს მმართველი გუნდისგან განსხვავებული პოლიტიკური შეხედულებების მქონე პრეზიდენტის სისხლის სამართლებრივ დევნაში, რისი არაერთი მაგალითი ჩვენს ქვეყანას, სამწუხროდ, უკვე გააჩნია.

თუმცა, სამოქალაქო სექტორის აქტიურობა და პრეზიდენტისადმი გამოხატული მხარდაჭერა ვერ იქნება ეფექტური, ვიდრე თავად პრეზიდენტი არ იქნება უკომპრომისო ქვეყანაში გამეფებული უსამართლობისა და შერჩევითი მართლმსაჯულების წინააღმდეგ.

პირადად თქვენ და თქვენი ადმინისტრაცია კარგად იცნობს საქმეს, რომელზეც მე ვარ ბრალდებული. როგორც სახელმწიფო დაცვის სპეციალური სამსახურის უფროსი, ვასრულებდი თქვენი წინამორბედის, ქვეყნის უმაღლესი მთავარსარდლის წერილობით განკარგულებებს ამა თუ იმ ხარჯის გაწევასთან დაკავშირებით. განკარგულებებს, რომელიც სრულდებოდა მანამდეც, ვიდრე მე სდსს-ს უფროსად დავინიშნებოდი და, რომელიც სრულდებოდა მას შემდეგაც, რაც მე სდსს-ს უფროსის თანამდებობა დავტოვე.

პროკურატურამ და სასამართლომ ძალიან კარგად იცის რა ჩემი უდანაშაულობის შესახებ, მაქციეს შერჩევითი მართლმსაჯულების მსხვერპლად. აბსოლუტურად იდენტური ქმედებებისთვის ბრალდებული ვარ მე და მხოლოდ მე და არა ჩემი წინამორბე დი ან ჩემი შემცვლელი სდსს-ს უფროსის თანამდებობაზე.

საიმისოდ, რომ კიდევ უფრო მკაფიოდ დადასტურდეს ჩემს წინააღმდეგ პოლიტიკურად მოტივირებული შერჩევითად წარმოებული სისხლის სამართლებრივი დევნა, გთხოვთ, მოხსნათ გრიფი და გაასაჯაროვოთ საქართველოს პრეზიდენტის 2013წლის 04 იანვრის შემდგომ მიღებული ყველა განკარგულება, რაც ითვალისწინებდა საქართველოს პრეზიდენტის სარეზერვო ფონდიდან სახელმწიფო დაცვის სპეციალური სამსახურისთვის ასიგნებების გამოყოფას პრეზიდენტის და მისი ოჯახის წევრებისათვის ხარჯების გასაწევად და ასევე, უშუალოდ სახელმწოფო დაცვის სპეციალური სამსახურის სახსრებით იმავე ტიპის ხარჯების გაწევას.

თქვენ, როგორც პრეზიდენტი, ხართ ქვეყნის კონსტიტუციური წესრიგის გარანტი, თქვენ ხართ გარანტი თანასწორობის და თავისუფლების უფლებათა რეალიზაციის. ამ კონკრეტულ შემთხვევაში თქვენ და მხოლოდ თქვენ ხელგეწიფებათ, გამოააშკარაოთ შერჩევითი მართლმსაჯულების ეს ერთი კონკრეტული ნათელი შემთხვევა.

მოგიწოდებთ, თქვენი შესაძლებლობების ფარგლებში დაგვეხმაროთ, დავიცვათ ჩვენი კონსტიტუციური უფლებები და მენდეთ, ჩვენ შევეცდებით, დავიცვათ პრეზიდენტი," - ნათქავამია თემურ ჯანაშიას წერილში.