პროკურატურას მაღალი თანამდებობის პირებისგან ინფორმაციის მიწოდებაზე თხოვნები არ უნდა სჭირდებოდეს- კობახიძე

პოლიტიკა - 14:22, 26 Jul, 2016

1384

პარლამენტის ვიცე-სპიკერი მანანა კობახიძე საკონსტიტუციო სასამართლოს თავმჯდომარის განცხადებასთან დაკავშირებით პროკურატურის მიერ დაწყებულ გამოძიებას მიესალმება. კობახიძემ გიოპრგი პაპუაშვილი გააკრიტიკა და აღნიშნა, რომ როცა მაღალი თანამდებობის პირებს შესაძლო დანაშაულის თაობაზე აქვთ ინფორმაცია, ის პროკურატურას უნდა მიაწოდონ და საჯარო თხოვნები და მიმართვები არ უნდა სჭირდებოდეს. კობახიძე იმედს გამოთქვამს, რომ გამოძიება დაადგენს, ნამდვილად ჰქონდა თუ არა ადგილი დევნას, ზეწოლას, დანაშაულს, თუ ეს იყო ჩვეულებრივი სპეკულაცია:

„კარგია, რომ პროკურატრურამ გამოძიება დაიწყო. ამ გამოძიების ფარგლებში პროკურატურა მოიპოვებს ყველა მტკიცებულებას, თუკი ამ საქმეზე რაიმე არსებობს. დარწმუნებული ვარ, რომ ყველა კითხვას პასუხი გაეცემა. პროკურატურას საჯარო თხოვნები და მიმართვები არ უნდა სჭირდებოდეს. სრულიად გაუგებარი იყო, ერთი თვის წინ მომხდარ ფაქტთან დაკავშირებით, რატომ არ იყო მოთხოვნილი რეაგირება სამართლებრივი პროცედურის სრული დაცვით და რატომ გაკეთდა ეს მას შემდეგ, რაც განცხადებები საკონსტიტუციო სასამართლოს თავმჯდომარემ გააჟღერა?! ეს შეუსაბამოა მაღალი თანამდებობის და პასუხისმგებლობის მქონე პირთა მხრიდან“- განაცხადა მანანა კობახიძემ.