"რუსეთი განაგრძობს საქართველოს ტერიტორიის ოკუპაციას"-ალექსი პეტრიაშვილი

პოლიტიკა - 14:17, 26 Jul, 2016

1217

,,ირაკლი ალასანია - თავისუფალი დემოკრატების“ გენერალური მდივანი ალექსი პეტრიაშვილი რუსული „გაზპრომის“ მხრიდან ცხინვალში საკუთარი ფილიალის გახსნასა და ადგილობრივი მოსახლეობის გაზით მომარაგების სურვილს ეხმაურება და მიიჩნევს ,რომ რუსეთი განაგრძობს საქართველოს ტერიტორიის ოკუპაციას.
ალექსი პეტრიაშვილის განცხადებით, „გაზპრომი“ კრემლის ადმინისტრაციის ხელში ძალიან სერიოზული პოლიტიკური ზემოქმედებისა და იმაზე არანაკლები ძალის მქონე ინსტრუმენტია, ვიდრე 58-ე არმია, რომელიც საქართველოს ტერიტორიაზე შემოიჭრა და დღემდე აგრძელებს ჩვენი ქვეყნის ოკუპაციას. „რუსეთი განაგრძობს საქართველოს ტერიტორიის ოკუპაციას და თავისი საოკუპაციო პოლიტიკის განხორციელებას. მას რომ ჰქონდეს პოლიტიკური ნება და მისი ამ ტიპის პროექტები მართლა ჰუმანიტარულ მიზნებს ემსახურებოდეს, საქართველოს ხელისუფლება ყველა ეტაპზე მზად იყო ცხინვალისა და სამაჩაბლოს შესაბამისი ინფრასტრუქტურით უზრუნველყოფისთვის. ეს არის რუსეთის ხელისუფლების მხრიდან გადადგმული კიდევ ერთი ნაბიჯი ცხინვალის რეგიონის მეტი ხარისხით ანექსირებისთვის“, – განაცხადა ალექსი პეტრიაშვილმა.