"პაატა ბურჭულაძე მოძრაობა სახელმწიფო ხალხისთვის“ თავმჯდომარე სამუშაო ვიზიტით აშშ-ში იმყოფება

პოლიტიკა - 13:28, 26 Jul, 2016

1275

“მოძრაობა სახელმწიფო ხალხისთვის“ თავმჯდომარე სამუშაო ვიზიტით ამერიკის შეერთებულ შტატებში იმყოფება. პაატა ბურჭულაძემ და გიორგი რუხაძემ შეხვედრები ვაშინგტონში რესპუბლიკელ ლიდერებთან გამართეს. პაატა ბურჭულაძე ყოფილ თავდაცვის მინისტრს და სენატორს ჩაკ ჰეგელს ასევე რესპუბლიკური ინსტიტუტის პრეზიდენტს მარკ გრინს შეხვდა. შეხვედრებისას განხილული იყო ქართულ-ამერიკული ურთიერთობები თავდაცვის სფეროში, ვაჭრობა ორ ქვეყანას შორის, საქართველოს დემოკრატიული განვითარება და ოქტომბრის არჩევნები. როგორც შეხვედრებისას აღინიშნა ოქტომბრის არჩევნები ამერიკის პოლიტიკურ წრეებში განსაკუთრებული ყურადღების საგანია.

"გვქონდა ძალიან მნიშვნელოვანი შეხვედრები სენატორებთან და კონგრესმენებთან და რაც მთავარია შევხვდით ამერიკის შეერთებული შტატების ყოფილ თავდაცვის მინისტრს ბატონ ჩაგ ჰეგელს. განვიხილეთ საქართველოს დემოკრატიული განვითარების საკითხები. შეერთებულ შტატებში ვიზიტის ფარგლებში ასევე გავემგზავრებით ფილადელფიაში სადაც დავესწრებით დემოკრატების ყრილობას და შევხვდებით დემოკრატიული პარტიის ლიდერებს." -განაცხადა პაატა ბურჭულაძემ.

ამერიკის შეერთებულ შტატებში ვიზიტის ფარგლებში პაატა ბურჭულაძის პოლიტიკური საქმიანობით გავლენიანი ამერიკული გამოცემები დაინტერესდნენ. ბურჭულაძემ კომენტარები მისცა USA TODAY-ს, Washington Post-ს და News weak-ს.

"ამერიკული მხარე სერიოზულად არის დაინტერესებული საპარალამენტო არჩევნებით საქართველოში და იმით, რომ არჩევნებმა სამართლიან და დემოკრატიულ გარემოში ჩაიაროს. ამ თემებზე გვქონდა საუბარი ყველა შეხვედრაზე. აღსანიშნავია ისიც, რომ წარმოდგენილი იყო ამერიკული მედიის დიდი სპექტრი. პაატა ბურჭულაძემ კომენტარები მისცა გავლენიან ამერიკულ გამოცემებს როგორიცაა USA TODAY, Washington Post-ი ასევე დღეს გამოქვეყნდება სტატია News weak-ში სადაც პაატა ბურჭულაძე საუბრობს საქართველოს განვითარების გეგმაზე." - განაცხადა გიორგი რუხაძემ.