თბილისის მერიასთან დიდუბის ბაზრის მოვაჭრეების საპროტესტო აქცია დაკავებით დასრულდა. მოვაჭრეები ბაზრის ერთ-ერთი მეწილის მიერ ბაზრობის ტერიტორიაზე კედლის აშენებას აპროტესტებდნენ, მათი თქმით აღნიშნული კედელი მათ საქმიანობას ხელს შეუშლის, დაპირისპირება აქციის მონაწილეებსა და მერიის შენობიდან გამოსულ ბაზრის მეწილეს შორის მოხდა. საპატრულო პოლიციამ ბაზრის მეწილე დააკავა.

აღნიშნულ აქციას დედაქალაქის მერიც გამოეხმაურა. დავით ნარმანიას თქმით აქციის მონაწილეებს ზედამხედველობის სამსახურის წარმომადგენელი შეხვდება და მიუხედავად იმისა, რომ აღნიშნული საკითხის მოგვარება დედაქალაქის მთავრობის პირდაპირი ფუნქცია არაა, მერია ეცდება, რომ საკითხი შეთანხმებით მოგვარდეს.