4-წლიანი პოლიტიკის შედეგი და ,,შტურმავიკების“ დაუსჯელობა - შარაშენიძე პრეზიდენტის განცხადებაზე

პოლიტიკა - 15:14, 25 Jul, 2016

1565

საქართველოს პრეზიდენტის განცხადებაზე ,,ნიუპოსტთან“ კომენტარი გააკეთა ექსპერტმა თორნიკე შარაშენიძემ. გიორგი მარგველაშვილის ოჯახის წევრზე განხორციელებულ ზეწოლის ფაქტს შარაშენიძე ხელისუფლების 4 წლიანი პოლიტიკის შედეგს უწოდებს, როცა მისი თქმით, პოლიტიკოსებზე განხორციელებული ძალადობრივი ფაქტებზე სამართალდამცავი უწყებების მხრიდან სათანადო რეაგირება არ ხდებოდა.

,,პრობლემა დაიწყო იქიდან, როცა ქუჩაში დარბოდნენ ,,შტურმავიკები“, ყველას კარგად გვახსოვს, ხან ვის ესხმოდნენ თავს და ხან ვის და მერე 100-ლარიანი ჯარიმით უშვებდნენ. სამწუხაროდ ეს შემდეგ უკვე იღებს მასშტაბურ სახეს, როცა პოლიცია უძლურია, როცა სამართალდამცავები იღებენ ინსტრუქციას, რომ პოლიტიკოსების ცემისთვის ხელი არ დააკაროთ. თვით პოლიციაც კი დაუცველია. ჩვენ ვნახეთ ფაქტები, როცა პოლიციელები სამსახურიდან გაუშვეს იმის გამო, რომ ქუჩაში გააჩერეს თანამდებობის პირის ძმა, ან მეგობარი ქალბატონი და ა.შ“ - აცხადებს შარაშენიძე.

რამდენად ადექვატურია უმრავლესობისა და მთავრობი წევრთა დამოკიდებულება საკონსტიტუციო სასამართლოს თავმჯდომარის განცხადებაზე, ექსპერტი ამბობს, რომ ,,მათი განცხადებებიც იყო ხოლმე წამქეზებლური - ,,რა მოხდა, ხალხი გამწარებულია...“ და ა.შ. უმრავლესობის წარმომადგენლებს საერთოდ ჭკუა არ უნდა მოკითხოთ, ესაა უბედურება. ბოლო 4 წელია ეს პრობლემა იზრდება და მივდივართ იქამდე, როცა პრეზიდენტი ამბობს, რომ მოხდა ზეწოლა მისი ოჯახის წევრზე“ - აღნიშნავს ექსპერტი ,,ნიუპოსტთან“ საუბარში.