პეკინთან ახლოს, ბადალინის საფარი-პარკში ვეფხვებმა ტურისტი ქალბატონი დაგლიჯეს, ხოლო მეორე მძიმედ დააზიანეს. საფარის ადმინისტრაციის განცხადებით, დამსვენებლებმა პარკში უსაფრთხოების წესები დაარღვიეს, რადგან ავტომობილიდან გადმოვიდნენ.

მანქანიდან გადმოსვლის მიზეზი ქალბატონებს შორის მომხდარი ჩხუბი გახდა. მეგობარზე გაბრაზებული ერთი ქალბატონი მანქანიდან გადმოვიდა და გზა ფეხით განაგრძო, რა დროსაც მას ვეფხვი დაესხა თავს.

მეორე ქალბატონი მეგობრის საშველად გაემართა, თუმცა, ისიც მტაცებლის მსხვერპლი გახდა.