სასამართლო ხელისუფლებაში დღეს ჩვენ მივიღეთ ძალიან მახინჯი სიმპტომი

სასამართლო ხელისუფლებაში დღეს ჩვენ მივიღეთ ძალიან მახინჯი სიმპტომი - ანა დოლიძე

პოლიტიკა - 21:24, 22 Jul, 2016

2826

საქართველოს პრეზიდენტის საპარლამენტო მდივანი „საზოგადოებრივი მაუწყებლის“ პირდაპირ ეთერში საქართველოს სასამართლო სისტემასთან დაკავშირებით საუბრობს.

„საქმე ის არის, რომ სასამართლო ხელისუფლებას დღეს ტრანსფორმაცია ყველაზე ნაკლებად შეეხო, სასამრთლო ხელისუფლებაში დღეს ჩვენ მივიღეთ ძალიან მახინჯი სიმპტომი იმისა, რაც ჩვენ გვქონდა მანამდე, პირველი სიმპტომი იმისი, რომ ავად არის ეს ხელისუფლება, იყო ის, რომ ძალიან ბევრი პიროვნება, რომლის ქცევასთან, რომლის გადაწყვეტილებასთან, მოსამართლეობის საქმიანობასთან დაკავშირებით ისაუბრა წამყვანმა ორგანომ და ეს არის ევროპის ადამიანის უფლებათადაცვის სასამართლო, ცალსახად, აღშფოთების ტონით განაცხადა, რომ გაუგებარია, როგორ წარიმართა გამოძიება და როგორი ურთიერთშეთანხმებით შეითითხნა გირგვლიანის საქმე, ჩვენ ამავედროს ვამბობთ, რომ ჩვენ ამ სივრცეში ინტეგრაციას ვლამობთ, და ამ პირობებში ვაწინაურებთ მთელ წყება ადამიანებს, რომლებიც არიან უშუალო ნაწილი იმ ძველი სისტემისა, ბუნებრივია, რომ ჩნდება კითხვები, მართლა არის ტრანსფორმაცია? კეთილგონიერი ახსნაგანმარტება, რატომ არ აიწია სტანდარტებმა სასამართლო სისტემაში, რატომ არ მოხდა ახალი მოსამართლეების დანიშვნასთან დაკავშირებით მართლაც ახალი ხალხის მოძიება, ან ისეთი ფილტრების შექმნა, რომელიც საშუალებას მოგცემდა, რომ დასაბუთებულად გვეთქვა და შეგვეყვანა ახალი ხალხი ამ სისტემაში და დასაბუთებულად გვეთქვა უარი ვიღაც კანდიდატებისათვის. ამის კარგი მაგალითია მესამე ტალღის რეფორმის შეჩერება, ეს არის ცლილებათა პაკეტი, რომელიც ვერ ვიტყვით, რომ არის პანაცეა და არის იდეალური, მაგრამ რაღაც ბერკეტებს გვთავაზობს. თუ ჩვენ ვსაუბრობთ, რომ ვქმნით მოსამართლეთა ახალ კორპუსს, ის გვაძლევს გარკვეულ გარანტიებს მოსამართლეთა შერჩევის პროცესში“, - განაცხადა ანა დოლიძემ.