დღეს ცნობილი გახდა, რომ ქალაქის არქიტექტურის სამსახურის უფროსი დიმიტრი მოსულიშვილი თანამდებობიდან გადადგა.

ინფორმაცია დედაქალაის მერმა დაადასტურა, დავით ნარმანიას, მაღალჩინოსანის გათავისუფლების მიზეზი არ დაუკონკრეტებია და აღნიშნა, რომ მედიისთვის განცხადებას მოგვიანებით გააკეთებენ.

გიორგი მოსულიშვილს საკრებულოს დამოუკიდებელ დეპუტატი ალეკო ელისაშვილი ქრთამის აღებაში ადანაშაულებდა. ელისაშვილს მოსულიშვილის წინააღმდეგ 2 სარჩელი აქვს შეტანილი.

როგორც დეპუტატმა "ნიუპოსტს" განუცხადა, როგორც ჩანს, მერრიიდან წინასაარჩევნოდ კორუმპირებული პირები მოიშორეს.

"მოსულიშვილის წინააღმდეგ პროკურატურაში ორი სარჩელი მქონდა შეტანილი. ეს კაცი პირწავარდნილი მექრთამეა და გასაგდები იყო. ის ხელს აწერდა ყველა უმსგავსობას. როგორც ჩანს ზედმეტი გართულებების გან თავის დასაცავად გაუშვეს სამსახურიდან, თუმცა ზუსტად ვერ გეტყვით, მეც გუშინ გავიგე მისი გათავისუფლების შესახებ"- აღნიშნა ალეკო ელისაშვილმა.

ნარმანიას უწყებაში საკადრო წმენდა აქტიურ ფაზაში შევიდა, 2 თვის წინ თანამდებობა დატოვა დედაქალაქის მერის მოადგილემ გიორგი ხელაიამ, რომელიც ფინანსურ საკითხებს კურირებდა. ხელაიას გათავისუფლების შესახებ მაშინ "ნიუპოსტი" ექსკლუზიურად წერდა.

დავით ნარმანიას თქმით, ის სხვა კერძო სამსახურში გადავიდა, სადაც უკეთესი პირობები შესთავაზეს.

"ნიუპოსტი" დღეს სამსახურის დატოვების მიზეზებზე გიორგი ხელაია და დიმიტრი მოსულიშვილს დაუკავშირდა, თუმცა არც ერთი მათგანი მედიასთან კომენტარს არ აკეთებს.