ზუსტად 6 წლის წინ, მაშინ როცა თეონა ქუმსიაშვილი და მისი ახლობლები მთიელთა უძველესი დღესასწაულიდან, ათენგენობიდან ბრუნდებოდნენ ტრაგედია დატრიალდა, მანქანა მოცურდა და მდინარეში გადავარდა. ამ ტრაგედიამ შვიდი ადამიანის სიცოცხლე შეიწირა, მათ შორის იყვნენ თეონა და მისი შვილები, ჯარჯი და დემეტრე. რა თქმა უნდა, თეონას მეუღლისთვის, პოეტ გელა დაიაურისთვის ეს ტრაგედია დღემდე მოუშუშებელია და ყოველი 22 ივლისი გამორჩეული. 6 წლის თავზე, ის სოციალურ ქსელში ემოციურ წერილს აქვეყნებს, რომელსაც გარდაცვლილ ცოლ-შვილს უძღვნის.

„ექვსი წელი გავიდა, კუნწულიკო, რაც ფიზიკურად აღარ ხარ ჩემს გვერდზე.... მწარეა ჩემთვის წუთისოფელი... ვცდილობ, არ ვიფიქრო.. ვცდილობ, გავექცე შენზე ფიქრს... გამახსენდები.. გამახსენდებით და ტკივილი სუნთქვას მიკრავს... ყოველ გახსენებაზე ახლიდან გკარგავთ.. ძლივს ამოვისუნთქავ ხოლმე და მეჩვენება სულს ვაყოლებ ამოსუნთქვას.. ვილევი და ვთავდები...მარტო შენ და ჩვენი დემე და ჯარჯი არ დამაკლდით, ნათია დამაკლდა.. შენი და და ჩემი "ნომერპირველი ცოლისძმა"... ბერდო დამაკლდა.. ჩემი ყველაზე დიიდი მეგობარი და სოფო.. ჩემი ნათლული მამუკა.. ჩემი ანგელოზების ტოლი.. სხვას რომ გაეძლო, არ დავიჯერებდი და მე ვარ თვითონ ამ ჯოჯოხეთში.. გზაკვალაბნეული და მარტო...ვგრძნობდი, რომ ბედნიერი გავხდი შენით... კარგად ვგრძნობდი და ზუსტად ეს მტკივა.. რომ არ მეგრძნო, იქნებ უფრო ადვილი ყოფილიყო ეს ყველაფერი... სხვანაირი იყოო... სხვანაირები ალბათ ჩვენ ვართ.. შენ ადამიანური იყავი... როგორიც უნდა იყოს ჭეშმარიტი ადამიანი.. სათნო, კეთილი, სუფთა... მხიარულიც და სევდიანიც… უფალმა სასუფეველი დაგიმკვიროთ ჩემებო.. მტკივიხართ, მახსოვხართ და მიყვარხართ... თქვენი მე", - წერს გელა დაიაური.