"უსაფრთხოების სამსახურის მეშვეობით ხდება მოსამართლეებზე ზეწოლა" - არასამთავრობოები დროულ გამოძიებას ითხოვენ

პოლიტიკა - 11:37, 22 Jul, 2016

1766

საკონსტიტუციო სასამართლოს თავმჯდომარის განცხადებების საფუძველზე, დროული გამოძიების აუცილებლობაზე საუბრობენ არასამთავრობოები.

ისინი გიორგი პაპუაშვილის განცხადებებს რუსთავი 2-ის საქმეს უკავშირებენ.

„ხელისუფლებამ იმდენი რამ გააკეთა, რომ რუსთავი 2-ის წინააღმდეგ დავაში მიეღო სასურველი შედეგი. მაქვს ეჭვი, რომ ხელისუფლება ახლაც მოსამართლეების წინაშე მოქმედებს სწორედ იმავე მიზნით და განზრახვით,“ - აღნიშნა საქართველოს დემოკრატიული ინიციატივას თავმჯდომარემ, გიორგი მშვენიერაძემ.

საქმის გამძიებას მოითხოვს სახალხო დამცველიც.

„კრიტიკულად მნიშვნელოვანია, რომ სახელმწიფომ უზრუნველყოს ყველა მოსამართლის დამოუკიდებლობა და ხელშეუხებლობა,“ - განაცხადა სახალხო დამცველის მოადგილემ, ნათია კაციტაძემ.

კომენტარი გააკეთა ადვოკატთა ასოციაციის თავმჯდომარემაც. ზაზა ხატიაშვილი ეჭვობს, რომ გამოძიება ფორმალურად ჩატარდება, წინასაარჩევნოდ რაღაცას დაიწყებენ, მაგრამ ეს ბოლომდე არ მივა. ბოლომდე რომ მივიდეს, საბრალდებო სკამზე უნდა დასხდნენ სავარაუდოდ, პროკურორები. უსაფრთხოების სამსახურის მეშვეობით ხდება მოსამართლეებზე ზეწოლა. თავის თავს ეგენი არ დასჯიან,“ - განაცხადა ზაზა ხატიაშვილმა.

საკონსტიტუციო სასამართლოს თავმჯდომარე გიორგი პაპუაშვილი ცალკეულის თქმით მიზანმიმართული ზეწოლა მიმდინარეობს.

პაპუაშვილის განცხადებით, თვალთვალი და შანტაჟი იმ მოსამართლეებზე, რომლებიც მაღალი საზოგადოებრივი ინტერესის მქონე საქმეებს განიხილავენ.

გიორგი პაპუაშვილი უკვე ესაუბრა ტელეფონით პრეზიდენტსა და პრემიერს. სასამართლოს თავმჯდომარე მზადაა შეხვდეს საქართველოს მთავარ პროკურორსაც.