მერაბ კვირიკაშვილის ჯანმრთელობის მდგომარეობა სტაბილურია, ლომინაძის მდგომარეობა კი კვლავ მძიმეა

შემთხვევა - 10:10, 22 Jul, 2016

3326

ამ დროისათვის კვლავ მძიმეა დაშავებული მორაგბეებისა და მათი მეუღლეების მდგომარეობა, ისინი ქუთაისისა და სამტრედიის სამედიცინო დაწესებულებებში არიან მოთავსებულნი.
შეგახსენებთ, რომ რაგბის ეროვნული ნაკრების წევრი მერაბ კვირიკაშვილი და საქართველოს ჩემპიონის, "ლელოს" მორაგბე გიორგი ლომინაძე, ასევე მათი მეუღლეები ავტოავარიის შედეგად დაშავდნენ. უკიდურესად მძიმეა ერთ-ერთი ახალგაზრდა ქალბატონის მდგომარეობა.
ავტოავარია გუშინ, ქუთაისი-სამტრედიის შემოვლით გზაზე მოხდა. ერთმანეთს ორი მსუბუქი ავტომობილი შეეჯახა. შემთხვევას სამი ადამიანი ემსხვერპლა. გარდაცვლილები სავარუდოდ ერთი ოჯახის წევრები არიან. მომხდარზე გამოძიება სატრანსპორტო საშუალების მოძრაობის ან ექსპლუატაციის წესების დარღვევის მუხლით მიმდინარეობს.

"კვირიკაშვილი მერაბი, 32 წლის, რომლის მდგომარეობაც ძალიან მძიმე არ არის, მას აქვს ფილტვების დაჟეჟილობა, ამჟამად იმყოფება ინტენსიურ მეთვალყურეობაზე, პაციენტი გონებაზეა, ადეკვატურად პასუხობს კითხვებზე, მეორე პაციენტი არის გიორგი ლომინაძე, აქვს ორივე ბარძაყის და წვივის ძვლების მოტეხილობა, ტრავმული შოკი, ქალატვინის დახურული ტრავმა, სისხლის დიდი რაოდენობით დანაკარგი, უტარდება შესაბამისი მკურნალობა, იმყოფება ფილტვის ხელოვნურ ვენტილაციაზა, რეანიმაციულ განყოფილებაში, მდგომარეობა სერიოზულია", - აცხადებენ სამედიცინო დაწესებულებაში.