მერაბ მეტრეველმა 13 ივნისს დაზარალებული ერთ-ერთი ოჯახის მხრადასაჭერად ბრიფინგი გამართა

პოლიტიკა - 12:47, 21 Jul, 2016

1438

მოძრაობა სახელმწიფო ხალხისთვის ერთ ერთმა ლიდერმა მერაბ მეტრეველმა 13 ივნისს მომხდარი სტიქიის შედეგად დაზარალებული ერთ ერთი ოჯახის მხარდასაჭერად ბრიფინგი გამართა.

ჯავოევების ოჯახი არის ერთ ერთი დაზარალებული რომელიც სტიქიური უბედურების დროს დაზარალდა და სახლი დაეტბორა. მერიამ ოჯახი ქირით გაასახლა უკვე ერთი წელია, თუმცა მალე მათ სახლში დაბრუნებას და იქ ცხოვრებას აიძულებენ. აქამდე დაზარალებულ ოჯახს კომპენსაციას პირდებოდნენ, თუმცა ბოლო დროს ოჯახის მცდელობის მიუხედავად ადგილობრივ თვითმართველობებში მათთან კონტაქტზე ყველა უარს აცხადებს და არც კომპენსაციის გადახდას აპირებენ. აღსანიშნავია ის ფაქტიც რომ ჯავოევების ოჯახს გააჩნია გარემოს დაცვის ეროვნული სააგენტოს ოფიციალური დასკვნა სადაც წერია რომ ოჯახი ცხოვრობს წყალმოვარდნის ზონაში. ასევე არსებობს ქალაქ თბილისის საკრებულოს მიერ გაცემული დოკუმენტი სადაც მკაფიოდ არის დაფიქსირებული რომ ჯავოევების სახლი მდებარეობს სტიქიური უბედურების ზონაში და იქ ცხოვრება ადამიანის სიცოცხლისთვის საშიშია.

მერაბ მეტრეველის განცხადებით დაზარალებული ოჯახი მეორე კატეგორიას მიეკუთვნება და ავტომატურად ეკუთვნის კომპენსაცია. ასევე ჩნდება კითხვა?! ოფიციალური მონაცემებით სტიქიის დროს 26 მილიონამდე ლარი შეგროვდა საიდანაც გახარჯულია 16 მილიონი, საინტერესოა რა ბედი ეწია დანარჩენ 10 მილიონს, რომელიც ყველა დაზარალებულის დასახმარებლად უნდა გაიხარჯოს.

მოძრაობა სახელმწიფო ხალხისთვის, თვეების განმავლობაში ახორციელებდა 13 ივნისის სტიქიის შედეგად დაზარალებულთა ადვოკატირებასა და მათთვის განკუთვნილი თანხების ხარჯვითი ნაწილის მონიტორინგს.

ორგანიზაციის ინფორმაციით, დღემდე არიან ისეთი ოჯახები, რომელებიც დაზარალდნენ, თუმცა მერია ისევ სტიქიური უბედურების ზონაში უწევთ ცხოვრება.

ასეთია, მაგალითად ჯავოევების ოჯახი, რომლებსაც მიუხედავად გარემოს ეროვნული სააგენტოს დასკვნისა, რომ ისინი წყალმოვანრდნის ზონაში ცხოვრობენ და ამავდროულად საკრებულოს გაცემულ დოკუმენტშიც წერია რომ მათი სახლი მდებარეობს სტიქიური უბედურების ზონაში, მერიის ქონების მართვის სააგენტო მაინც ტოვებს მათ ამ ზონაში და არ უზრუნველყოფს კუთვნილი კონპენსაციის გაცემას.

მოძრაობა სახელმწიფო ხალხისთვის, მოუწოდებს მერიას, დაუყოვნებლივ მოაგვარონ ამ ადამიანების პრობლემები და მათ სიცოცხლეს საფრთხის ქვეშ ნუ დააყენებენ.