ჩოხატაურში წერეთლის ქუძაზე არსებულ ლომბარდთან, ამ წუთებში დაგირავებული ოქროს მეპატრონეებია შეკრებილი, ისინი კუთვნილი ძვირფასეულობის დაბრუნებას რამდენიმე თვეა უშედეგოდ ელოდებიან. ლომბარდში მისულმა ერთ-ერთმა დაზარალებულმა, მენეჯერს ჯერ სიტყვიერი, შემდეგ კი ფიზიკური შეურაცყოფა მიაყენა, რა დროს ის პოლიციამ დააკავა. დაზარალებული, რომელიც პოლიციამ დააკავა აცხადებს, რომ დაგირავებული ძვირფასეულობის თანხა რამდენიმე თვის წინ გადაიხადა, თუმცა ოქრო დღემდე არ დაუბრუნებიათ.

როგორც, შს სამინისტროში აცხადებენ, საქმეზე გამოძიება მიმდინარეობს სსკ-ის 180-ე მუხლით, რაც თაღლითობას გულისხმობს.

როგორც უწყებაში განმარტავენ, მომხდარზე ჯერ დაკავებული არავინ არის და მიმდინარეობს საგამოძიებო პროცესები. ჩოხატაურის ლომბარდში დაახლოებით 45 ადამიანს აქვს ოქროულობა დაგირავებული, რომლის ჯამური ღირებულება 70 ათას ლარზე მეტს შეადგენს.

თეა იოსელიანი - გურია