პაატა ბურჭულაძე "მოძრაობა სახელმწიფო ხალხისათვის" ფოთის ნომერ 70-ე საარჩევნო ოლქის მაჟორიტარობის კანდიდატი წარადგინა

პოლიტიკა - 21:33, 20 Jul, 2016

2320

პაატა ბურჭულაძემ ფოთის ნომერ 70-ე საარჩევნო ოლქის მაჟორიტარობის კანდიდატი წარადგინა. ბურჭულაძემ „მოძრაობა სახელმწიფო ხალხისთვის“ მაჟორიტარობის კანდიდატად კოტე კემულარია ადგილობრივებს ფოთის ცენტრალურ პარკში წარუდგინა. ბურჭულაძემ და პარტიის ლიდერებმა ფოთელებს საარჩევნო პროგრამა და პარტიის ეკონომიკური ხედვა გააცნეს, რომლის ერთ-ერთი მთავარი პრიორიტეტი ქვეყნის სწრაფი ეკონომიკური ზრდაა. ბურჭულაძემ ადგილობრივებს საარჩევნო პროგრამის სოციალური ნაწილიც გააცნო, რომლის მიხედვითაც პენსია 250 ლარამდე გაიზრდება, სოციალურად დაუცველ მოსახლეობას კი სტატუსი 4 წლის განმავლობაში გარანტირებულად შეუნარჩუნდებათ. დღესვე ბურჭულაძემ მარტვილში „მოძრაობა სახელმწიფო ხალხისთვის“ ოფისიც გახსნა.

„ძალიან ემოციური შეხვედრა გვქონდა ფოთის მცხოვრებლებთან ბედნიერი ვარ რომ ასე კარგად დაგვხვდნენ. ყველას უნდა რომ გამოსწორდეს სიტუაცია და უკეთესობისკენ შეიცვალოს მათი ცხოვრება. მე წარვუდგინე ფოთელებს ჩვენი მაჟორიტარობის კანდიდატი კოტე კემულარია. ეს არის ადამიანი რომელიც ნამდვილად დააყენებს ამ ქალაქს ფეხზე.“ -განაცხადა პაატა ბურჭულაძემ.