მიიღებს თუ არა მარგველაშვილი მონაწილეობას საპრეზიდენტო არჩევნებში

მიიღებს თუ არა მარგველაშვილი მონაწილეობას საპრეზიდენტო არჩევნებში - პრზიდენტმა კითხვა უპასუხოდ დატოვა

პოლიტიკა - 23:29, 19 Jul, 2016

1584

უცნობია მიიღებს თუ არა ის მონაწილეობას მომდევნო საპრეზიდენტო არჩევნებში გიორგი მარგველაშვილი. შესაბამის კითხვას ქვეყნის პირველმა პირმა არ უპასუხა.

როგორც მარგველაშვილი აცხადებს ამაზე საუბარი პოლიტიკურად არ აწყობს.

"ეს მერვე შეკითხვაა, რომელსაც არ ვუპასუხებ. პოლიტიკურად არანაირად არ მაწყობს ამაზე პასუხის გაცემა," - აღნიშნა პრეზიდენტმა.

"არჩევანის" წამყვანის კითხვას: რადგან ტაქტიკა გაგაჩნიათ, ეს ნიშნავს იმას, რომ სტრატეგიული გადაწყვეტილებაც მიღებული გაქვთ? - პირველმა პირმა ასე უპასუხა: "ეს ამას არ ნიშნავს, შეიძლება გქონდეს ტაქტიკური აზროვნება და არა სტრატეგიული".

მანამდე კი ქვეყნის პირველმა პირმა მოახლოებულ არჩევნებზე ისაუბრა.

"როდესაც ვუყურებ საარჩევნო ბიულეტენს, მეც მჭირდება დაფიქრება, ვის მივცე ხმა," - აღნიშნა მან.

"თუ ჩვენ განაწყენებულები ვართ პოლიტიკოსებზე, არ მოგვწონს, ამ თვალსაზრისით თუ არ წავალთ არჩევნებზე, ჩვენ უნდა ვიცოდეთ, რომ ყველაზე ბნელ და მიუღებელ ძალას ვაძლევთ ხმას. თუ გადაწყვეტთ, რომ არ წახვიდეთ არჩევნებზე, აიღეთ ბიულეტენი, შეხედეთ შიგნით ვინც ყველაზე მეტად არ მოგეწონებათ, ჩათვალეთ, რომ იმათ აძლევთ ხმას იმით, თუ არ წახვალთ არჩევნებზე," - განაცხადა მარგველაშვილმა.

გიორგი მარგველაშვილი საქართველოს მესამე პრეზიდენტის მიხეილ სააკაშვილის მიერ საქართველოში დაბრუნებაზე გაკეთებულ განცხადებსბსაც შეეხო.

"ძალიან აქტიურად შემოაქვს საქართველოში დაბრუნების საკითხი. წარმოიდგინეთ, ეს რას ნიშნავს. ყოფილი პრეზიდენტი, რომელიც ძებნილია, საუბრობს დაბრუნებაზე. ის აპრიორი ძაბავს ვითარებას და ცდილობს ტემპერატურა ასწიოს," - განაცხადა მარგველაშვილმა.