მარგველაშვილი პარლამენტში პრორუსული ძალების მოხვედრას არ გამორიცხავს

პოლიტიკა - 22:57, 19 Jul, 2016

2402

საქართველოს პრეზიდენტი თვლის, რომ "თუ არსებობენ ადამიანები, ვისაც მიაჩნია, რომ საქართველოს გეოპოლიტიკური კურსი უნდა იყოს სხვანაირი და ასეთ ადამიანებს უნდა ჰყავდეთ წარმომადგენელი პარლამენტში".

„პლურალიზმისთვის სასარგებლოა, რომ არჩევნები ჩატარდეს სამართლიანად და არცერთი მანდატი არ დაიკარგოს, თუ არსებობენ ადამიანები, ვისაც მიაჩნია, რომ საქართველოს გეოპოლიტიკური კურსი უნდა იყოს სხვანაირი და ასეთ ადამიანებს უნდა ჰყავდეთ წარმომადგენელი პარლამენტში, ეს არის აქსიომა, ეს არის დემოკრატია, ეს არის სხვა ადამიანების შეხედულებების აღიარება და მიღება . ეს ძალიან რთულია. როცა ლაპარაკია რუსეთზე, რუსული მუსიკის მოსმენაზე, იქ პროდასავლური კურსის მქონები თავის თავს აძლევენ უფლებას იმის თქმისას, რომ ეს აკრძალულია. თუ ვინმეს მიაჩნია, რომ ასეთი არის საქართველოს პოლიტიკური კურსი, ან მიაჩნია უფრო რუსეთისკენ, ან მიაჩნია აღმოსავლეთისკენ, ისინი არიან საქართველოს მოქალაქეები და მათ ამის გაკეთების უფლება აქვთ, სხვა საკითხია ვიქნები თუ არა მე, როგორც პოლიტიკოსი დამარცხებული, როდესაც ასეთი ადამიანები მოვლენ ხელისუფლებაში. ჩემი აზრით ასეთ ადამიანებს ხელისუფლებაში მოსვლის არავითარი შანსი არ აქვთ. მაგრამ რომ ჰყავდეთ წარმომადგენლობა პარლამენტში, ამის შანსი არსებობს, მე ამის წინააღმდეგი არ ვარ რომელი თავხედი ადამიანი უნდა იყოს, რომ ერის ნების წინააღმდეგ წავიდეს და თქვას, რომ მე უფრო პროგრესულად რაღაც სხვა მიმაჩნია. ჩემი საქმე არ მდგომარეობს იმაში, რომ ვინმეს რამე ავუკრძალო, ჩემი საქმე არის ის, რომ ვინც ორჭოფობს, ის დავაჯერო, რომ ეს არის კატასტროფული გზა, ეს არის ჩემი მისის. ეს მაინც ასე იქნება, იმიტომ, რომ ასეთია ქართველი ხალხის არჩევანი, არჩევანი არა დღეს, არას სააკაშვილის დროს, არა შევარდნაძის, გამსახურდიას დროს, არამედ კომუნისტების დროსაც რომ იყო შევარდნაძე, ქართველი ხალხი იყურებოდა ამ მიმართულებით და იმის წინაპრებიც რომ იყვნენ, მაშინაც იყურებოდა დასავლეთის მიმართულებით. შესაბამისად, მე აქ ბრძოლა მოგებული მგონია, მაგრამ ეს არ ნიშნავს იმას, რომ ან მე დავმშვიდდე, ან რომ რომელიმე პროდასავალური ორიენტაციის მქონე პოლიტიკოსი იყოს მშვიდად. შენი თავისუფლება ნიშნავს იმას, რომ სხვა ადმაიანის თავისუფლებას მიიღებს“- აღნიშნა საქართველოს პრეზიდენტმა "არჩევანში".