ივანიშვილი მე ნამდვილად არ მმართავს

ივანიშვილი მე ნამდვილად არ მმართავს - გიორგი მარგველაშვილი

პოლიტიკა - 22:23, 19 Jul, 2016

3052

საქართველოს პრეზიდენტმა ბიძინა ივანიშვილის ფაქტორზე ისაუბრა "რუსთავი 2"- ის ეთერში.

ჟურნალისტმა გიორგი მარგველაშვილს კითხა, მართავს თუ არა ყოფილი პრემიერი სასამართლო სისტემას, რაზეც ქვეყნის პირველმა პირმა აღნიშნა: "რას მართავს, არ ვიცი. მე ნადვილად არ მმართავს.

გიორგი მარგველაშვილის განცხადებით, ბიძინა ივანიშვილი ქართული ოცნების ლიდერია.

„ბიძინა ივანიშვილი არის პარტია ქართული ოცნების ლიდერი. ბატონა ბიძინამ განაცხადა, რომ ის არის პარტია ქართული ოცნების საარჩევნო მხარდამჭერი. ჩვენ ყველა პოლიტიკაში ვართ. მე ვსაუბრობ იმ რიტორიკაზე რაც მესმის შარშან შემოდგომიდან და ეს რიტორიკა პოლიტიკურად იყო აბსოლუტურად მიუღებელი. ჩემი ვალია დავიცვა კონსტიტუცია და კონსტიტუციაში წერია, რომ მე ვერ მოვთხოვ პასუხს მოსამართლეებს მათ გადაწყვეტილებაზე, ამიტომ არ ვერევი სასამართლო პროცესში. როდესაც ესეთი განცხადებები კეთდება ყველაზე პოპულარული არხის თაობაზე, რომელსაც აქვს პოლიტიკურად ოპოზიციური განწყობა, ბუნებრივია ეს არის ზღვარზე პოლიტკორექტურობის. არჩევნების წინ ამ ზღვარზე ყოფნა სერიოზული პრობლემაა“.

საქართველოს პრეზიდენტის განცხადებით, ოცნების ერთ-ერთი მთავარი სახე იქნება ბიძინა ივანიშვილი და ეს მისი და მათი კნსტიტუციური უფლებაა.

„მე არასდროს არ ვლაპარაკობ იმაზე რაც არის ჭორი და არასდროს გამიგია, მე ვლაპარაკობ საჯარო განცხადებებზე, რას მართავს ბიძინა ივანიშვილი არ ვიცი, იმიტომ რომ მე ნამდვილად არ მმართავს. არჩევნების პროცესში ქართული ოცნების ერთ-ერთი მთავარი სახე იქნება ბიძინა ივანიშვილი და ეს მისი და მათი კნსტიტუციური უფლებაა"- დასძინა მან.