აღსრულების ეროვნულ ბიუროსთან მომხდარი შეროლის შედეგად დაჭრილი მამაკაცი, არჩილ მამაგეიშვილი გარდაიცვალა.

შეგახსენებთ, რომ რამდენიმე საათის წინ აღსრულების ეროვნულ ბიუროსთან ინციდენტი მოხდა, რის შედეგადაც მამაგეიშვილს ცეცხლსასროლი იარაღიდან რამდენიმეჯერ ესროლეს.

დაჭრილი ღუდუშაურის სახელობის სამედიცინო დაწესებულებაში გადაიყვანეს, მას რამდენიმე საათის განმავლობაში ოპერაციას უკეთებდნენ, თუმცა, დაჭრილის გადარჩენა სამედიცინო პერსონალმა ვერ მოახერხა.

ინციდენტში სამი პირი მონაწილეობდა. შემთხვევის ადგილიდან ამოღებულია სამი ცეცხლსასროლი იარაღი. დაჭრილია თავდამსხმელიც.