18-19 ივლისს არასამთავრობო ორგანიზაცია "ინტეგრაცია-გზა ნატოსა და ევროკავშირისკენ" მართავს საზაფხულო სემინარებს NATO-ს შესახებ ქართული მედიის წარმომადგენლობისთვის. სემინარებში მონაწილეობენ ტელევიზიის, რადიოს, ბეჭდური და ონ-ლაინ მედიის ჟურნალისტები.
ნატოს საზაფხულო სემინარები ტარდება საქართველოში ნატოს სამეკავშირეო ოფისის ფინანსური მხარდაჭერით, საქართველოში რუმინეთის საელჩოს(ნატოს საკონტაქტო საელჩო), საქართველოს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის სამსახურისა და ნატოსა და ევროკავშირის შესახებ საინფორმაციო ცენტრის პარტნიორობით.
ორი დღის მანძილზე სემინარების მონაწილეები გაეცნობიან და მიიღებენ ნატოს შესახებ ამომწურავ ინფორმაცას. სემინარების ძირითადი თემატიკაა ჩრდილო ატლანტიკური ალიანსის პრინციპები, გაფართოების პოლიტიკა, პარტნიორობის პოლიტიკა, ვარშავის სამიტის დღის წესრიგი და კომუნიკე, საქართველოს ინტეგრაციის პერსპექტივა, ნატო-რუსეთის ურთიერთობა, ნატოს სამხედრო მისიები და საქართველოს მონაწილეობას ალიანსის ოპერაციებში, ნატოს სტრატეგიული კომუნიკაცია.
სემინარი გაიხსნა დღეს, 18 ივლისს 10საათზე ნატოს სამოკავშირეო ოფისში. სემინარებს უძღვებიან ნატოს სამოკავშირეო ოფისისა და სახალხო დიპლომატიის წარმომადგენლები, ქართველი და უცხოელი სპეციალისტები. დასასრულს, მონაწილეებს გადაეცემათ სერთიფიკათები.