პაატა ბურჭულაძემ საგარეჯოს მცხოვრებლებს პარტიის ეკონომიკური ხედვა წარუდგინა

პოლიტიკა - 16:51, 17 Jul, 2016

1490

პაატა ბურჭულაძე რეგიონებში მოსახლეობასთან შეხვედრებს განაგრძობს. „მოძრაობა სახელმწიფო ხალხისთვის“ თავმჯდომარე თანაგუნდელებთან ერთად საგარეჯოელებს შეხვდა. ბურჭულაძემ ადგილობრივებს პარტიის სამომავლო გეგმები და საარჩევნო პროგრამა გააცნო. შეხვედრისას მოძრაობის ლიდერებმა საგარეჯოს მცხოვრებლებს პარტიის ეკონომიკური ხედვა წარუდგინა, რომლის მიხედვითაც ერთ-ერთი მთავარი პრიორიტეტი სოფლის მეურნეობის დარგის სწრაფი განვითარებაა. „მოძრაობა სახელმწიფო ხალხისთვის“ ლიდერებმა ასევე საგარეჯოელებს შიდა პოლიტიკის, სამართლის უზენაესობის და საგარეო ურთიერთოებების მხრივ პარტიის ხედვებიც გააცნეს. დღესვე პაატა ბურჭულაძემ საგარეჯოში „მოძრაობა სახელმწიფო ხალხისთვის“ რეგიონალური ოფისიც გახსნა.

„შევხვდით საგარეჯოს მოსახლეობას, ისეთი შთაბეჭდილება დაგვრჩა ყველას რომ აქ არაფერი გაკეთებულა წლების მანძილზე. ხალხი ძალიან უკმაყოფილოა დღევანდელი ცხოვრებით და ჩვენ გვინდა, რომ მათ იმედი მივცეთ მიუხედავად იმისა, რომ ეს ძალიან ძნელია თუმცა ჩვენ ეს მაინც შევძელით და მათი ცხოვრება ოქტომბრიდან აუცილებლად უკეთესობისკენ შეიცვლება.“ -განაცხადა პაატა ბურჭულაძემ.