„ტერორიზმის სისასტიკით და სხვა შეშლილობებით გარშემორტყმული ვართ“ -წერს ნათია ფანჯიკიძე და თურქეთის შემაძრწუნებელ კადრებს სოციალური ქსელის მეშვეობით ეხმაურება.

ნათია ფანჯიკიძე: „არ გავაზიარებ საშინელ კადრებს თურქეთის ქრონიკიდან, უბრალოდ რა საოცარია კაცობრიობის ბნელი მხარე, როგორ მუდმივად და თანაბრად თანაარსებობს, დროებით მოითოკება, მაგრამ მოთოკილი სადღაც სულის ჯებირთან გუბდება, გროვდება, იმუხტება და ამოხეთქავს ხოლმე.

მშვიდობიან დროს გვეჩვენება, რომ ადამიანთა მოდგმამ უდიდესი პროგრესი გააკეთა კულტურის, სულიერების, ჰუმანურობის, გონიერების სასარგებლოდ, მაგრამ ჩამრთველის ერთი გაჩხაკუნება და პირდაპირი გაგებით გუშინ, მეოცე საუკუნეში ფაშიზმ-კომუნიზმ მოხდილი ამპლანეტელები დღეს ტერორიზმის სისასტიკით და სხვა შეშლილობებით გარშემორტყმული ვართ.

ადამიანის ცხოველური მხარე ვერ მოაწესრიგა და გადაასხვაფერა ვერც სპორტულ თამაშებად გარდაქმნამ, ვერც რაიმე წესების ქვეშ მოქცევამ და დასწავლამ. კომპლექსური მექანიზმებია გამოსაგონებელი, როგორ მართოს ადამის მოდგმამ თავისი დემონები, თუკი ეს ვარაუდის დონეზე მაინც შესაძლებელია“.