„თავისუფალმა დემოკრატებმა“ შეუვალი სიმტკიცით დავამტკიცეთ ერთმანეთის ერთგულება"-ზურაბ აბაშიძე

პოლიტიკა - 17:17, 16 Jul, 2016

1120

დღეს, თბილისის სპორტის სასახლეში ‘’ირაკლი ალასანია - თავისუფალი დემოკრატების’’ რიგით მეოთხე ყრილობა გაიმართა. ყრილობაზე პარტიის თავმჯდომარემ ირაკლი ალასანიამ ოცეული დაასახელა მათ შორისაა ზურაბ აბაშიძე, რომელიც აცხადებს, რომ ხელისუფლებაში განახლებული ენერგიით, ცოდნითა და გამოცდილებით დაბრუნდებიან "თავისუფალი დემოკრატები".

"ჩვენ „თავისუფლი დემოკრატები“ ვატარებთ რიგით IV ყრილობას და ამით კიდევ ერთხელ ვადასტურებთ ერთგულებას ჩვენი საქმის მიმართ. ჩვენი არსებობის 7 წლიან პერიოდში პირველად ვიყრით კენჭს დამოუკიდებლად ყოველგვარი ალიანსებისა და კოალიციების გარეშე, რაც უდიდესი გამოწვევაა. 2012 წელს, როდესაც ჩვენ ყველანი ერთად ვიბრძოდით თავისუფლებისთვის და უკეთესი მომავლისათვის, სწორედ თბილისი ჩვენი ქვეყნის დედაქალაქი იდგა ამის ავანგარდში ჩვენი სამშობლოს ყველა მხარესთან ერთად და ჩვენ მოვიპოვეთ უდიდესი გამარჯვება, მაგრამ ამ გამარჯვების შემდეგ იყო დიდი იმედგაცურება, როგორც თბილისში, ასევე საქართველოს დანარჩენ კუთხეებში. ჩვენ „თავისუფალი დემოკრატებმა“ შეუვალი სიმტკიცით დავამტკიცეთ ერთმანეთის ერთგულება, რაც პირდაპირ ნიშნავს ჩვენი სამშობლოს, ჩვენი საქართველოს ერთგულებას და სწორედ ერთობლივი ძალისხმევით და თანადგომით ჩვენ დავძლევთ ყველა იმ გამოწვევას, რომელიც ჩვენი სამშობლოსა და ჩვენი საზოგადოების წინაშე დგას, ჩვენ შევქმნით უკეთეს ეკონომიკას და უკეთეს ცხოვრებას, როგორც თბილისსში ასევე მთელს საქართველოში, ჩვენი ხელისუფლებაში დაბრუნებით, განახლებული ენერგიით, მეტი ცოდნითა და გამოცდილებით, მოვერევით უმუშევრობას, სოციალურ და ეკონომკურ პრობლემებს და აღვადგენთ სამართლიანობას, შევქმნით ნამდვილ ევროპულ სახელმწიფოს, ჩვენ რეალურად მივცემთ სასამართლოს დამოუკიდებლობას და არავინ აღარასდროს საქართველოში არ დაისჯება უსამართლოდ განსაკუთრებით სამშობლოს სამსახურისთვის, მიყვარხართ ყველა! ერთად მივდივართ გამარჯვებისკენ, დღეს ერთად ხომ ვართ 10 000, ხოლო 8 ოქტომბერს 100 000ობით ჩვენ მხარდაჭერთან ერთად ვიზეიმებთ გამარჯვებას! გაუმარჯოს თავისუფლებას!!! გაუმარჯოს უკეთეს საქართველოს!!! გაგვიმარჯოს ჩვენ!!! ღმერთი იყოს თქვენი მფარველი!!!!!!!"-განაცხადა ზურაბ აბაშიძე.