"ყველა პოლიციელს და უშიშროების თანამშრომელს პოლიტიკური დიქტატისგან გავათავისუფლებთ"

"ყველა პოლიციელს და უშიშროების თანამშრომელს პოლიტიკური დიქტატისგან გავათავისუფლებთ" - ირაკლი ალასანია

პოლიტიკა - 16:28, 16 Jul, 2016

3923

”თავისუფალი დემოკრატების” ლიდერმა, ირაკლი ალასანიამ პარტიის ყრილობაზე ქვეყანაში არსებული მძიმე მდგომარეობის შესახებ ისაუბრა და ამომრჩეველს მისი პარტიის ხედვა გააცნო.
ალასანიას განცხადებით, მნიშვნელოვანია მოსახლეობას დაცულობის გრძნობა დაუბრუნდეს.
"თითოეულ ჩვენგანს უნდა ჰქონდეს დაცულობის განცდა, ჩვენ ამ საქმეს ვაკეთებდით მაშინაც, როდესაც ვიყავით არჩეული „ქართულ ოცნებასთან“ ერთად ხელისუფლებაში, ეს საქმე ბოლომდე არის მისაყავანი"- აღნიშნა პარტიის ლიდერმა.
ირაკლი ალასანიამ პირობა დატო რომ "ყველა პოლიციელი და უშიშროების თანამშრომელი გათავისუფლდება პოლიტიკური დიქტატისგან".
”საქართველოს პოლიციას, უშიშროებას, ყველაზე მეტად, საზოგადოების მხარდაჭერა ესაჭიროება. მე ვდებ პირობას, რომ ყველა პოლიციელი და უშიშროების თანამშრომელი გათავისუფლდება პოლიტიკური დიქტატისგან. მათი საქმე იქნება, ებრძოლონ ორგანიზებულ დანაშაულს. ჩვენ გავზრდით ხელფასებს, ისევე როგორც თავდაცვის სამინისტროში, ჩვენს ჯარს გავუზარდეთ ხელფასებს. ამას ”თავისუფალი დემოკრატები” ხელისუფლებიდან გავაკეთებთ... ჩვენ უკეთესად დავიცავთ ჩვენს სამშობლოს, ჩვენ ჯარს და მივცემთ მათ ყველა საშუალებას. ებრძოლონ ტერორიტზმს და უცხო ქვეყნის დაზვრევას. გავზრდით ხელფასებს, ისევე, როგორც თავის დროზე გავზარდეთ თავდაცვის სამინისტოში, ჩვენ ჯარს მივცემთ ახალ ინსტრუმენტებს, ახალ ტქნიკას, რათა უსაფრთხოდ ვიგძნოთ თავი და ამას თავისუფალი დემოკრატები ხელისუფლებიდან გააკეთებს. ჩვენი თავდაცვა, ჩვენი უსაფრთოება არის ერთ-ერთი მთავარი და ძირითადი, რაც ხელს შეუწყობს ჩვენი ტერიტორიული მთლიანობის აღდგნას"- აღნიშნა ალასანიამ.