"საერთაშორისო დონის შეხვედრებზე,რუსთავი 2-ის საქმისადმი ინტერესი მაღალია"-გიორგი მარგველაშვილი

პოლიტიკა - 15:25, 15 Jul, 2016

866

საქართველოს პრეზიდენტმა გიორგი მარგველაშვილმა სამაუწყებლო კომპანია რუსთავი 2-ის საქმესთან დაკავშირებით განაცხადა, რომ საერთაშორისო დონის შეხვედრებზე,რუსთავი 2-ის საქმისადმი ინტერესი მაღალია.როგორც მან აღნიშნა, რუსთავი 2-ის საქმე ქვეყნის იმიჯს უკავშირდება.

პრეზიდენტს იმედი აქვს უზენაესი სასამართლოს გადაწყვეტილება დამატებით კითხვის ნიშნებს არ გააჩენს.

„რუსთავი 2-ის თემა აქტუალურია და განიხილება საარჩევნო კამპანიისა და არჩევნების კონტექსტშიც. ბუნებრივია რუსთავი 2-ის თემა უკავშირდება ჩვენი ქვეყნის იმიჯსაც. მე მაქვს დარწმუნებულობა, რომ იქნება ისეთი, რომელიც არ დაბადებს კითხვის ნიშნებს, იმიტომ, რომ კიდევ ერთხელ მინდა გავახსენო საზოგადოებას, კითხვის ნიშნები იმასთან დაკავშირებით რა კომენტარებს აფიქსირებენ პოლიტიკოსები ამ საქმესთან დაკავშირებით, არა ერთი მომისმენია ევროპის ნებისმიერ დედაქალაქში. მე არ გავაკეთებ საქმეზე კომენტარს, იმიტომ, რომ ეს არის ჩემი კონსტიტუციური ვალდებულება, რომ საქმეზე კომენტირება არ გავაკეთო, მაგრამ იმას დაგიდასტურებთ, რომ კითხვას ამ საკითხთან დაკავშირებით ყველა დედაქალაქში სვამენ. შესაბამისად, მე მაქვს იმედი, რომ უზენაესი სასამართლოს გადაწყვეტილება იქნება ისეთი, რომელიც მოხსნის ამ ყველა კითხვის ნიშნებს," - განაცხადა ქვეყნის პირველმა პირმა.