,,Cui Bono?.. დათმობები მეტ აგრესიას იწვევს“ - ნიკა რურუა ნიცას ტერაქტის შესახებ

პოლიტიკა - 12:39, 15 Jul, 2016

1610

ნიცაში მომხრად ტერორისტულ აქტს ეხმაურება საზოგადოება ,,ივერიას“ დამფუძნებელი ნიკა რურუა:

,,ყველა ტერაქტი, ნიცაში განხორციელებული უმხდალესი სიველურის ჩათვლით, უნდა გაანალიზდეს ერთი მთავარი კითხვის გარშემო: Cui Bono? - ანუ, ვინ ისარგებლებს მომხდარით, ვისი “ხეირისთვის” შეიძლება მომხდარიყო, რაც მოხდა?

ცხადია, რომ ისლამისტს ტერორისტებს ეს აქტი ყველა ფრანგის თვალში ზიზღის მეტს არაფერს შემატებს. აი, რაც შეეხება მოფაშისტო, ულტრა-მემარჯვენე ძალებს, როგორსაც მარინ ლეპენი წარმოადგენს, ეს საკუთარი დემაგოგიისთვის უფრო ნაყოფიერ ნიადაგს შეუქმნის და საფრანგეთის საპრეზიდენტო მომამავალ არჩევნებშიც მის შანსებს გააძლიერებს.

მარინ ლეპენი კი პირდაპირ ფინანსდება პუტინის ფულით და ეს დამტკიცებული ფაქტია. ვისაც არ ახსოვს, შევახსენებ, რომ ლეპენს სურს საფრანგეთი გამოიყვანოს როგორც NATO-დან, ისე ევროკავშირიდან და პუტინის ფაქტიურ სატელიტად აქციოს შუაგულ ევროპაში.

ახლა ისევ დავუსვათ თავს იგივე კითხვა გუშინდელი არაადამიანური ტერაქტის შესახებ - Cui Bono? ანუ, ვინ იხეირა მომხდარი დანაშაულით - ვინ შეიძლება იდგეს ამ ბარბაროსული აქტის უკან საკუთარი მიზნების მიღწევის იმედით?

პასუხი ცხადზე ცხადია.

P.S. შეგახსენებთ ორ საინტერესო დეტალსაც - ერდოღანმა რუსეთისადმი მობოდიშებისთანავე მიიღო ტერაქტი ისტამბულში, ოლანდმა კი ერთადერთმა განაცხადა ვარშავაში ნატოს სამიტზე რომ "რუსეთი საფრთხე კიარა, პარტნიორია". ამიტომ, რუსეთისთან თავდაცვის ერთადერთი ეფექტური გზა მისთვის პრინციპული წინააღმდეგობის გაწევაა. დათმობები მეტ აგრესიას იწვევს“ -წერს ნიკა რურუა ფეისბუქის გვერდზე.