„ქართული ოცნება-დემოკრატიული საქართველო“ აცხადებს, რომ საგურამოში გამართულ ღონისძიებაზე მოწვეული არ ყოფილა ავთანდილ მარგიანი, რომელმაც მედიასთან გუშინ ღონისძიება ასე შეაფასა: "სვანური რქებით“ ივანიშვილის დაფუძნებული ,,მოქალაქეთა კავშირში“

"გუშინ, საგურამოში პოლიტიკურმა გაერთიანებამ "ქართული ოცნება-დემოკრატიული საქართველო" საზოგადოებას გუნდის ახალი წევრები წარუდგინა. პოლიტიკოსებთან ერთად, პარტიულ ღონისძიებას ესწრებოდნენ საზოგადოებისთვის ცნობილი ადამიანები სხვადასხვა სფეროდან.

აღსანიშნავია, რომ "ქართული ოცნების" და მისი განახლებული შემადგენლობისადმი არსებული მაღალი ინტერესიდან გამომდინარე, ღონისძიებაზე ზოგიერთი ისეთი პირიც მოხვდა, რომლებიც არ ყოფილან მიწვეულები საორგანიზაციო ჯგუფის მიერ.

მათ შორის, ღონისძიებაზე მოწვეული არ ყოფილა ბატონი ავთანდილ მარგიანი.

მის მიერ მედიასთან გაკეთებული კომენტარებიც ცხადია არ შეესაბამება რეალობას და ის ნამდვილად არავითარ კავშირში არ არის "ქართულ ოცნებასთან", როგორც ჩანს ბატონი ავთანდილის განცხადება, უბრალოდ მის სპეციფიურ იუმორთან იყო დაკავშირებული"- აცხადებენ პარტიაში .