ოკუპირებული აფხაზეთის ე.წ. გენერალურმა პროკურატურამ გალის რაიონის ყოფილ დეფაქტო ხელმძღვანელს ბესლან არშბას უფლებამოსილების გადამეტებაში ბრალი წაუყენა. მას საქართველოს მოქალაქეებისთვის აფხაზეთის პასპორტების დარიგებაში ადანაშაულებენ.

გამოძების მტკიცებით, ბესლან არშბამ 2007 წლის მაისიდან 2014 წლის მაისამდე გალში მცხოვრებ საქართველოს 14988 მოქალაქეზე ე.წ. აფხაზეთის რესპუბლიკის მოქალაქის პასპორტი გასცა.

დე ფაქტო აფხაზეთის ე.წ. კანონმდებლობის თანახმად, აფხაზეთის მოქალაქეებს ორმაგი მოქალაქეობის უფლება მხოლოდ რუსეთის ფედერაციასთან აქვთ.

ბესლან არშბას 30-დან 150 ათასამდე რუბლის ოდენობის ჯარიმა ან 3-დან 7 წლამდე თავისუფლების აღკვეთა ემუქრება.